ஏன்...?

 நண்பர்களே,

வணக்கம். 10 நாட்களாய்ப் பேனா பிடித்து புஜம் கழன்ற காரணத்தால் இந்தப் பதிவை வீடியோப் பதிவாக்கத் தான் காலை வரையில் நினைத்திருந்தேன். ஆனால் அதற்கென சீக்கிரம் சீக்கிரமாய் ஆபீஸுக்குப் போய் ; சிரிச்சா மேரி மூஞ்சை வைத்துக் கொண்டிருக்கப் பிரயத்தனங்கள் செய்து ; அப்பாலிக்கா, ‘ஆக…. அது வந்து… என்ன சொல்ல வர்றேன்னா…‘ என்று இழுக்காமல் பேச வேண்டுமே என்ற எண்ணங்களெல்லாம் தலைக்குள் ஓட – அடடே புஜங்கள் வலிக்கக் காணோமே!!

இந்த வாரப் பதிவின் தலைப்பைப் பார்த்தவுடன் உங்களுக்குள்ளேயும் ஒரு ”ஏன்?” எழுந்திருக்கலாம் ! (அட எழுந்திருக்காட்டித் தான் விட்டுப்புடுவோமா ? எங்க வாராந்திரக் கோட்டாவைத் தலையிலே கட்டி விடாமல் விடாது கறுப்பு !!) தலைப்பிலுள்ள ”ஏன்"-க்குப் பின்பாய் சிலபல உப ‘ஏன்‘கள் உள்ளதால் – அவற்றை ஒன்றன்பின் ஒன்றாய் முடிச்சவிழ்க்க முயல்கிறேனே - தம்மிருக்கும் வரையிலாவது !

ஏன் # 1: (பு.க.கா)

பொதுவாய் அட்டவணையை உருவாக்கிய பிற்பாடு, எந்த இதழ் – எந்த மாதத்தில் இடம்பிடித்திட வேண்டும் என்பதையெல்லாம் உயர்தர விஞ்ஞான யுக்திகளான ‘இ.பி.பா‘ மார்க்கமாகவே நடைமுறைப்படுத்திடுவதுண்டு ! ஆனால் சமீப ஆண்டுகளில் அது அத்தனை சுலபமாய் இருப்பதில்லை ! 12 ஆக்ஷன் கதைகள் ; 12 TEX ; 12 கார்ட்டூன்கள் என்றிருக்கும் பட்சங்கள் – ”ஆங்… ஆரிசியாவின் ஆத்துக்காரர் இங்கே ; சதுர தாடைக்கார மார்ட்டினும் இங்கே… கொழு கொழு டாக்புல் இங்கே” என்று இன்க்கி-பின்க்கி போட்டிட சாத்தியப்படும். ஆனால் இப்போதெல்லாம் ஆக்ஷனில் 9 கதைகள் ; கார்டூன்களில் 6 ; கி.நா.வில் 6 என்று விதம் விதமான எண்ணிக்கைகள் களமிறங்குவதால், மாதாந்திர அட்டவணையினில் ஒருவித balance கொணர்வது ரொம்பவே சிரமப்படுகிறது ! கார்ட்டூன்களை கனமான மாதங்களில் நுழைக்க முயற்சிப்பது ; ‘தல‘ பெடலெடுக்கும் மாதங்களில் பாக்கி இதழ்களுமே முறுக்காக இருக்கச் செய்ய முயற்சிப்பது ; ‘பிரிவோம்… சந்திப்போம்‘ போன்ற தனித்துத் தெரிய வேண்டிய இதழ்கள் வெளியாகும் மாதங்களில் இதர இதழ்களை சற்றே அடக்கி வாசிக்கச் செய்ய முனைவது ; etc..etc என்று நிறையவே சிந்தனைகள் பின்னணியில் அவசியப்படும் ! ஆனால் இந்த லாக்டௌன்ஸ் ; மார்கெட் மந்தம் என்ற சமாச்சாரங்கள் இடரத் துவங்கியது முதலாய், மாதாந்திர இதழ்களின் மொத்தக் கிரயங்களையே பூதக்கண்ணாடி கொண்டு பார்த்திட வேண்டிதாகி விட்டது ! So விலைகளில் சற்றே நிதானம் ; அப்புறமாய் வாசிப்பினில் diversity என்ற பாணிக்கு மாற வேண்டிப் போனது ! அதுவும் டிசம்பரோடு நிறைவுற வேண்டிய திட்டமிட்ட இதழ்களை மார்ச் வரை நீட்டித்தாக வேண்டுமெனும் போது, கணிசமான இழப்பு – கேச வளத்தில் !! ஒரு மாதிரியாய், மாற்றியமைத்த திட்டமிடலைக் கையில் ஏந்தும் போது, சிலபல சுலபக் களங்கள் நேசமாய் ‘hi’ சொல்வது போலிருந்தது ; சிலபல tough களங்கள் தானைத் தலைவர் கவுண்டரின் ‘ரொமாண்டிக் லுக்‘ விடுவது போலிருந்தது ! சுலபங்களை எல்லாம் ‘வாங்கடா கண்ணுங்களா…‘ என்று அட்டவணையின் ஆரம்ப மாதங்களுக்கு இட்டாந்தேன் ! And 'கன்பர்மாக இவை குறுக்கை கழற்றியே தீரும்‘ என்று தென்பட்ட ஆல்பங்களையெல்லாம் முடிந்தமட்டிற்குத் தள்ளிப் போட்டு வந்தேன் ! ஆனால் ஓடுவதும், ஒளிவதும் Big Boss-களான உங்களிடம் எத்தனை நாளைக்குச் செல்லுபடியாகும் ? So ஒரு வழியாய் அந்த tough மாதங்களும் புலரும் போது ஜிஞ்சர் தின்ற மந்தியாய் உலவிடத் துவங்குவேன் !

அவ்வித மாதமே இந்த அக்டோபரும் ! ஒற்றை ஜானியே பதம் பார்ப்பார் எனும் போது – அவரே டபுள் ஆக்ட் என்றால் கேட்கவா வேண்டும் ? அதிலும் அந்த 2.0 ஜானி பக்க நீளமும் ஜாஸ்தி + கதையுமே செம different ! அதனில் அடித்த கூத்துக்கள் பற்றிப் போன வாரமே எழுதியிருந்தேன் ! எனது அக்டோபர் மொக்கைகளுள் ஒரு பாதி நிறைவுற்றிருந்தாலும் – பீதி மிகுந்த மீதி எதிர்நின்றது - XIII ன் “சதியின் மதி” ரூபத்தில் !

“ஜானியே இடியாப்பம் என்பது தெரிந்திருக்க ; அதே மாதத்தில் இந்த XIII மனுஷனையும் நுழைக்காட்டித் தான் என்ன ?“ என்று தோன்றிடலாம் தான் ! ஆனால் XIII-ன் மொத்தத் தொடரும் சுழல்வதே அமெரிக்க அரசியல் சதுரங்கங்களைச் சுற்றியே எனும் போது – சரியாக 30 நாட்களில் அக்கட தேசத்தில் பிரஸிடெண்ட் தேர்தல் நடக்கவிருக்கும் சூழலில், இந்த இதழை அக்டோபரில் place செய்தால் பொருத்தமாக இருக்குமென்று நினைத்தேன் !!

“சதியின் மதி !” 

XIII சதித்திட்டத்தின் சூத்ரதாரி # 2 ஸ்தானத்திலிருக்கும் கால்வின் வாக்ஸ் பற்றிய spin-off! லாக்டௌன்களுக்கெல்லாம் வெகு முன்பாகவே இந்த ஆல்பத்தின் பிரெஞ்சு – இங்கிலீஷ் மொழிபெயர்ப்பு நிறைவுற்றிருக்க, ஜனவரியின் கடைசியிலேயே இதனை நமது கருணையானந்தம் அவர்களுக்கும் அனுப்பி இருந்தேன் தமிழாக்கத்தின் பொருட்டு ! அவையெல்லாமே இப்போது சொர்க்கபுரியாய்க் காட்சி தரும் நார்மல் பொழுதுகள் என்பதால், இரண்டு வாரங்களில் தமிழ் ஸ்க்ரிப்டும் டாணென்று வந்து சேர்ந்திருந்தது ! வேறு ஏதோ பணி நிமித்தம் போன் செய்ய நேர்ந்த போது ‘மாமா… சதியின் மதி எப்படியிருக்கு?‘ என்று கேட்டு வைத்திருந்தேன்! ‘ கதை முழுக்கப் பேசிட்டே இருக்காங்கப்பா…‘ என்று மட்டும் சொல்லியிருந்தார் ! பொதுவாய் இது போன்ற spin-off-களில் புதுசாய் ஒரு கதாசிரியரே பணியாற்றுவதால் ஒரிஜினலின் ஆசிரியரின் thought process-களோடு தானும் ஒத்துப் போவதாய்க் காட்டிட ஏகமாய் வசனங்களையும், விளக்கங்களையும் ப்ளாஷ்பேக்களையும் நுழைப்பது தவிர்க்க இயலா நிகழ்வுகளே ! மொட்டைத்தலையன் மங்கூஸைப் போலவொரு டெரர் கதாப்பாத்திரமாய் இருந்தால் மாத்திரமே அவனது ப்ளாஷ்பேக்கில் ஆக்ஷன் ; பரபரப்பு இத்யாதிகளெல்லாம் இடம்பிடித்திடச் சுலபமாய்ச் சாத்தியமாகும் ! So மண்டைக்குள் பெட்டி பார்னோவ்ஸ்கி தானம் தந்திருந்த பல்புகள்; கர்னல் ஆமோஸ் வழங்கியிருந்த குச்சி மிட்டாய்கள் இங்கும் அங்கும் நடமாட, சதியின் மதியோடு அமர்ந்தேன் - ஒரு வாரத்துக்கு முன்பாய் !

பக்க நீளம் இதனிலும் (வழக்கத்தை விட) ஜாஸ்தி என்பது பிரிண்ட் அவுட் கத்தையைக் கையில் ஏந்திய கணமே புரிந்தது. எச்சிலை ‘மடக் மடக்‘கென்று விழுங்கிக் கொண்டே பக்கங்களை மேலோட்டமாய்ப் புரட்டிய போது பிடரியில் அறைந்த சித்திரங்கள் ஸ்தம்பிக்கச் செய்தன ! பொதுவாய் ஒரு படைப்பினில் artwork மிரட்டலாக அமைந்து விட்டால், அதனூடே பணியாற்றுவது சற்றே ரம்யமாய் இருந்திடுவதுண்டு ! இங்கு சித்திரங்களும் சரி, வண்ணங்களும் சரி top drawer stuff ! வில்லியம் ஷெரிடனும், வாலி ஷெரிடனும் பிதாமகர் வில்லியம் வான்ஸின் கைவண்ணத்தில் அசத்தியதை விட இதனில் இன்னும் dapper ஆகத் தோன்றியது போலிருந்தது ! ‘ரைட்டு… கதைக்குள் புகுந்தால் தேவலாம் தம்பி!‘ என்றபடிக்கே பக்கங்களைப் புரட்டத் துவங்கினேன் ! திருத்தங்கள் ஏதும் போடாமல் முதல் 10 பக்கங்களை வாசித்து முடித்திருந்த போது இரண்டு விஷயங்கள் தெள்ளத் தெளிவாய்ப் புலப்பட்டன !

1. பொதுவான XIII (or) ஸ்பின்-ஆப் கதைகளிலெல்லாம் பழைய ஆல்பங்களைத் தேடிப் பிடித்து, சம்பவக் கோர்வைகள் பொருந்திப் போகின்றனவா ? இந்த திருட்டுமுழிக்காரனின் பெயரை எப்படி உச்சரித்திருக்கிறோம் ? என்றெல்லாம் cross refer செய்திட வேண்டி வரும் ! ஆனால் இதனில் அத்தகைய நோவுகள் இருந்திடப் போவதில்லை என்பது துவக்கத்திலேயே புரிந்திருந்தது ! கதையோட்டத்தினில் இந்தக் கதாசிரியர் ‘புதுமையைப் புகுத்துகிறேன் பேர்வழி‘ என்று பெருசாய் எதையும் செய்து குழப்பி வைக்கவில்லை ! சொல்லப் போனால் – ‘சொல்வதெல்லாம்ம்ம்ம்ம்ம்ம்  உண்மை‘ என்று மனுஷன் கடைபிடித்திருக்கும் பார்முலாவைக் கண்டு மெய்யாலுமே புன்னகைக்கத் தோன்றியது ! More on that later !

2. பிழைகள் என்று பெருசாய் ஏதுமில்லாவிடிலுமே, இந்த ஆல்பத்துக்கென நமது கருணையானந்தம் அவர்களின் க்ளாசிக் பாணி நிறையவே மாற்றங்களைக் கோரிடும் என்பது புரிந்தது ! தவிர, நிறைய இடங்களில் கதையோட்டத்தினில் இண்டர்நெட் துணையோடு தேடல்களை நடத்தினால் தவிர, யார் பேனாவைப் பிடித்தாலுமே மொக்கை போடுவது தவிர்க்க இயலா சமாச்சாரமாகிடும் என்பதுமே புரிந்தது ! அத்தகைய அலசல்கள் அவசியப்பட்ட இடங்களில்,  அங்கிள் புரிந்தமட்டிற்கு எழுதியிருப்பது invariably தவறான அனுமானங்களாகவே இருப்பதைப் பத்துப் பக்கங்களுக்குள்ளாகவே – உணர முடிந்தது ! So மேஜராய் ஒரு பட்டி-டிங்கெரிங் செயதாலன்றி  spin-offs-க்கு வெற்றிச் சாத்தியங்கள் பூஜ்யத்துக்கு மிக மிக அருகில் என்றாகிடும் என்பது  நியான் விளக்குகள்  சிணுங்க சேதி கிட்டியது !

சும்மா நாளைக்கு இத்தகையப் பணியைக் கையில் எடுத்திருந்தால் நிச்சயமாய் ஜவ்வு மிட்டாயாய் இழுத்திருப்பேன் தான் ; ஆனால் அச்சுக்குச் செல்லும் deadlines மிரட்டிக் கொண்டிருக்கும் போது எங்கிருந்தோ குடிபுகுந்திடும் உத்வேகங்களானவை தார்குச்சியைக் கொண்டு குத்திக் குத்தியே வேலை வாங்கிடுகின்றன ! And no different this time too…! இரு நாட்களின் சாமக்கூத்துக்கள் நிறைவுற்றிருந்த போது ஒரு new look கால்வின் வாக்ஸின் தமிழ் வார்ப்பு கையிலிருந்தார் & எனது வலது புஜமானது கதறிக் கொண்டிருந்தது ! இந்தப் பதிவை நான் எழுதிக் கொண்டிருக்கும் சனிக்கிழமை காலை வரையிலும் புதுசாய் DTP செய்யப்பட்ட பக்கங்கள் என்னை வந்து சேரவில்லை & அவற்றை நிதானமாய்ப் படித்துப் பார்த்தால் தான் ‘மாற்றி எழுதுகிறேன் சாமி‘ என்று நான் அடித்திருக்கும் கூத்துக்களை எவ்விதம் வந்துள்ளன என்பது புரியும் ! Anyways கதையைப் பற்றியும் பேசாது ஏதேதோ மொக்கை போடுவது, XIII நண்பர்களின் கடுப்பை ஈட்டித் தருமென்பதால் அது பற்றி இனி :

ஒற்றை வரியில் சொல்வதானால், கதாசிரியர் ரொம்ப ரொம்ப safe ஆனதொரு பாதையைத் தேர்வு செய்துள்ளார் என்பேன் ! XIII தொடரின் மையமே அந்த ப்ரெசிடெண்ட் வில்லியம் ஷெரிடன் assassination தான் என்பதை நாமறிவோம் ! And அது 1963-ல் அமெரிக்காவின் டால்லஸ் நகரில் அரங்கேறிய பிரஸிடெண்ட் ஜான்.F கென்னடியின் படுகொலையினை நகலெடுத்து காமிக்ஸினுள் புகுத்திய சம்பவமே என்பதில் no secrets ! “சதியின் மதி”யோ ஒரு படி மேலே போய், அந்நாட்களது அமெரிக்க அரசியல் சூறாவளிகள் பற்றி ; அந்நாட்களது ஹாலிவுட் கனவுக்கன்னி மர்லின் மன்றோ பற்றி ; அவருக்கு பிரஸிடெண்ட் குடும்பத்துடன் இருந்த நெருக்கம் பற்றி ; மர்லினின் மர்மமான “தற்கொலை” மரணம் பற்றி ; தொடர்ந்திட்ட சந்தேகங்கள் பற்றி ; பிரஸிடெண்ட் ஜான் கென்னடியின் assassination பற்றி - என்று almost true to life நிகழ்வுகளோடு அட்சர சுத்தமாய்ப் பயணிக்கிறது ! So நிஜ சம்பவங்களையும், அவை சார்ந்த சில பின்னணிச் சந்தேகங்களையும் மட்டுமே 2 தண்டவாளங்களாக்கிக் கொண்டு, அதன் மேல் இந்த ஆல்பத்தை தடதடக்க விட்டிருக்கிறார் கதாசிரியர் ! As spin-offs go – this one has a crystal clear narrative ! எங்கும் பெரிதாய் நெருடாமல், கதை நடப்பிலும், ப்ளாஷ்பேக்கிலும் செம ஸ்மூத்தாய்ப் பயணிக்கிறது & ஓவியர் தன் பங்குக்குப் போட்டுச் சாத்த, ஒவ்வொரு பக்கமுமே ‘அடடே‘ போட வைக்கிறது ! 

இந்தக் கதையினைப் பூர்த்தி செய்வதற்குள் நான் அமெரிக்க ஹிஸ்டரி, STD ; லோக்கல் கால்  என சகலத்தையும் கரைத்துக் குடிக்காத குறை தான் ! பற்றாக்குறைக்கு ‘கருக்கலைப்பு‘ போலான சமாச்சாரங்களில் அமெரிக்கக் கட்சிகளான டெமக்ரேட்களின் நிலைப்பாடுகள் என்ன ? ரிபப்ளிகன்களின் நிலைப்பாடுகள் என்ன ? கு க்ளக்ஸ் க்ளான் அமைப்போடு யாருக்கு என்ன மாதிரியான உறவு ? யாருக்கு கத்தோலிக்க ஈடுபாடு ? யாருக்கு புராடஸ்டண்ட் நெருக்கம் ? அடிமட்டத்திலிருந்து அமெரிக்கத் தேர்தல் ஏணிகளில் ஏறிப் பயணிப்பது எப்படி ? என்ற ரீதியில் அரசியல் சார்ந்த அலசல்களையுமே தெரிந்து கொள்ள வேண்டியதானது ! For that matter, பேனா பிடித்திட மாத்திரமின்றி ; இந்த ஆல்பத்தைக் கையில் பிடித்திடுவதற்குமே, அமெரிக்க அரசியல் பற்றியொரு சன்னமான புரிதலாவது அவசியமாகிடும் என்பேன் ! So இன்டர்நெட் அலசல்களுக்குப் கொஞ்சமேனும் நேரம் ஒதுக்கினால், அந்நாட்களது நிஜங்களுக்கும், இந்நாட்களது ‘பொம்மை புக்‘ நிழல்களுக்குமிடையேயான தொடர்புகளை இன்னும் பிரமாதமாய் உள்வாங்கிட இயலும் என்றுபடுகிறது ! In fact - “உடல் மண்ணுக்கு; உசிர் XIII-க்கு” என்று அலம்பல் விடும் நம் நண்பர்களுக்குமே கூட இது நிச்சயமாய்ப் பொருந்தும் ! அமெரிக்க 1960-கள் பற்றிய ஞானமும், அமெரிக்கக் கட்சிகளின் சித்தாந்தங்களும் இந்தத் தொடரின் எத்தனை முக்கிய அங்கம் வகிக்கின்றன என்பதை இந்த spin-off ஸ்பஷ்டமாய் உணர்த்திடுகிறது ! So கதையைப் படித்த பிற்பாடு, நெட்டை அலசிட நேரம் ஒதுக்குங்கள் & அதன் பின்பாய் மீண்டும் ஒரு தபா புக்கை வாசியுங்கள் – எல்லாமே வேறொரு லெவலில் காட்சி தரக்கூடும் ! இந்தக் கதையில் பணியாற்றியதால் எனது அமெரிக்க ஞானம் எகிறிவிட்டதென்று நான்  சொல்லப் போவதில்லை ; I just got to imbibe enough to get the job in hand done ! அடுத்த பணிக்குள் புகுந்த அரை அவரில் முந்தையது முழுசும் cache memory–யிலிருந்து காலியாகியிருக்கும் என்பதே எனது வாடிக்கை ! ஆனால் XIII தொடரை தலைமாட்டில் வைத்துத் திரியும் நண்பர்களுக்கு, அந்தப் புரிதல் வேரூன்றியிருப்பின், மேற்கொண்டும் ரம்யமூட்டும் ! Maybe இந்த ஆராய்ச்சிகளெல்லாம் ஏற்கனவே நீங்கள் செய்து முடித்த ஒன்று தானெனில் – kudos guys !  And சமீப பழக்கங்களைப் போலவே,இங்கும் கடைசிப் பக்கத்தில் சில இன்டெர்நெட் தேடல்களுக்கான லிங்குகளைப் பகிர்ந்துள்ளேன் ! Give it a try people & you will not be disappointed !!

Marilyn Monroe

எது எப்படியோ – ஒரு ஸ்பின்-ஆஃப் இத்தனை தெளிவாய் அமைந்திடுவது அத்தி பூத்தாற் போலான நிகழ்வே என்பதும் ; கதையின் ஒரு முக்கிய உருப்படிக்கு அந்தத் தெளிவு வாய்த்து விட்டது அட்டகாசம் என்பதும் இங்கே பதிவிடப்பட வேண்டிய சமாச்சாரம் # 1 ! இதே தெளிவையும், விவேகத்தையும் தொடரின் பூனைக்குட்டிகளுக்கும், ஓரமாய் நின்று வெண்சாமரம் வீசிய மாந்தர்க்கும் எதிர்பார்த்தால், அது தான் சிக்கலின் ஆரம்பம் என்பது  பதிவிடப்பட வேண்டிய சமாச்சாரம் # 2. அதே போல மனுஷனுக்கு வயதாகி வருவதை அழகாய்ச் சுட்டிக்காட்டும் ஆற்றல் இவை போன்ற ஆக்கங்களுக்கு உண்டு என்பதுமே சமாச்சாரம் # 3. இந்த ஆல்பத்தோடு நான் மல்லுக்கட்டியது வெறும் 2 நாட்களாக இருக்கலாம் தான் ; ஆனால் அது கோரிய உழைப்பு எனது தற்போதைய வயசுக்குப் பன்மடங்கு அதிகமாய்த் தோன்றியது நிச்சயமாய் மிகையில்லை ! And இதை நமது கருணையானந்தம் அவர்களிடம் தந்து அவரைப் படுத்தி எடுத்ததை நினைத்தால் இப்போது உதறுகிறது கை + கால் ! கொரோனோவுக்குத் தடுப்பு மருந்தைக் கண்டுபிடித்த பிற்பாடு, ஏதேனும் லேகியம் – லீகியம் பக்கமாய் விஞ்ஞானிகளின் கவனத்தைத் திசைதிருப்ப வாய்ப்பிருப்பின் – மீண்டும் இளமை திரும்ப ஏதாச்சுமொரு மருந்தைக் கண்டுபிடிக்கச் சொல்லிக் கேட்டுப் பார்க்க எண்ணியுள்ளேன் ! ரொம்பலாம் வேணாம் ஒரு 10 வருஷம் ரிவர்ஸ் கியர் போட முடிஞ்சாக்கா அடுத்த spin-off-குத் தெம்பாய்ப் பேனா பிடித்தது போலவும் இருக்கும் ; மண்டையில் glare அடிப்பதும் குறைஞ்சா மாதிரி இருக்கும் ! So எல்லாமே விஞ்ஞானத்தின் கைகளில் தானுள்ளது இனி !! அது வரைக்கும் ஜார்கண்ட் பக்கமாய் பயணம் புறப்பட உத்தேசித்துள்ளேன் ! Phewwwwww !!

ஏன் # 2 (த.வா.கு. ஏன்,,,,?)

சில தருணங்களில் எத்தனை தலைகீழாய் நின்று நீங்கள் தண்ணீர் குடிக்கப் பிரயத்தனங்கள் மேற்கொண்டாலுமே, என் தரப்பில் அரங்கேறிடும் நிகழ்வுகளையோ ; அவை சார்ந்த thought process-களையோ நீங்கள் யூகிக்க வாய்ப்பே லேது ! And த.வா.கு. தற்போதைய இதழின் காரணம் என்ன....? என்ற கேள்விக்கான விடையுமே அதே ரகம் தான் ! 

To cut a long story short :

இந்த MAXI லயன் format ; இதனில் டெக்ஸ் வில்லர் பெரியதொரு பக்க அளவில் – என்ற திட்டமிடல்கள் எல்லாமே இன்னொரு மொழியில் நம் ‘தல‘யைப் பேச வைத்திட நானும், ஜுனியரும் போட்ட திட்டமிடல்களின் பலன்களே ! (அந்த இன்னொரு மொழி இதுவா ? அதுவா? என்ற யூகங்கள் வேண்டாமே ; சத்தியமாய் அதனை யூகிக்க வாய்ப்புகள் பூஜ்யம்) ஒரே சமயத்தில் தமிழிலும், அந்த இன்னொரு மொழியிலும் ஒரே கதையினை ; ஒரே format –ல் வெளியிடுவதாயின் – பிராசஸிங் & அச்சில் ரொம்பவே இலகுவாகி விடும் & செலவுகளும் ஒன்றுக்குப் பாதியாய் பகிரப்படும் என்பது press room basics ! இந்தச் சிந்தனை போன வருஷமே துளிர்விட்டிருந்த போதிலும், 2019-ல் எனக்கு தொடர்கதையாகிட்ட உடல் சார்ந்த உபாதைகளின் உபயத்தால் எல்லாவற்றையும் 2020-ல் பார்த்துக் கொள்ளலாம் என்று ஒத்தி வைக்க நேரிட்டது ! But the planning ; the basics were all done early in 2019 ! 

ஒரு பக்காவான முதல் இதழை தமிழிலும், இன்னொரு மொழியிலும் தயாரித்துப் பார்ப்பது ; அந்த மாதிரிகளைக் கொண்டு மார்க்கெட் சர்வே எடுப்பது என்பதே எண்ணவோட்டம் ! டெக்ஸை அறிமுகம் செய்வதெனில் - ஒற்றை ஆல்பத்தில் பூர்த்தியாகக் கூடியதொரு சாகஸம் ; விறுவிறுப்பிற்குப் பஞ்சம் வைத்திடா சாகஸம் - என்று எதைத் தேர்வு செய்யலாமென்ற சிந்தனைக்குள் லயித்த போது எனக்குள் அன்றைக்கு நிழலாடியது “தலைவாங்கிக் குரங்கு” தான் – simply becos 35 ஆண்டுகள் கழிந்த பிறகுமே ‘தல‘ நம் மத்தியில் விஸ்வரூபம் எடுத்து நின்றிடப் பிள்ளையார் சுழி போட்டுத் தந்த இதழே இது தானே ? So புதிதாய் ஒரு துவக்கத்திற்கு சென்டிமெண்டாகவுமே ‘த.வா.கு‘ ஓ.கே. என்று பட்டது ! Thus began the renewed love affair with த.வா.கு.! 

இந்த MAXI format-ஐ தலைக்குள் அசைபோட்டுக் கொண்டேயிருந்த போது – ‘அட… அடுத்த மொழியை அடுத்தாண்டுக்குப் பார்த்துக்குவதெல்லாம் சரி தான்; அது வெளியாகும் வரையிலும் தமிழில் MAXI தொங்கலில் விடுவானேன் ? தமிழ் பதிப்புக்கு அத்தனை காத்திருப்பு தேவையில்லையே ?!‘ என்று தோன்றியது ! So ஏற்கனவே நம்மிடம் மறுபதிப்புக்கென வாங்கி கைவசமிருந்த இதர கலர் கதைகளையும் மாக்ஸி சைசுக்கு மாற்றம் செய்து ஈரோட்டில் வெள்ளோட்டம் பார்த்தோம் ! அந்தச் சூட்டோடு சூடாய் வெளியானவை தான் போன வருஷத்தின் ‘பழி வாங்கும் பாவை‘ & நடப்பாண்டின் துவக்கத்தின்  “இருளின் மைந்தர்கள் – 1 & 2” ! எனது திட்டமிடலின்படி, “த.வா.கு.வை அந்த வேற்று மொழியில் மட்டும் துவக்க இதழாய்க் களமிறக்கி விட்டு, அதன் தமிழ் பதிப்பை சில காலம் அடைகாத்திருந்துவிட்டு அப்புறமாய் இங்கு ரிலீஸ் செய்து கொள்ளலாம் என்று எண்ணியிருந்தேன் ! ஆனால்… ஆனால் நடப்பாண்டில் கொரோனா குறுக்கெலும்பைக் கழற்றி விட – அந்த வேற்று மொழிப் பதிப்பு முயற்சியும் கருவிலேயே காலாவதியாகிப் போனது ! “உள்ளதை ஒழுங்காய்ச் செய்தாலே போதும் ; இந்த விஷப்பரீட்சைகளெல்லாம் இப்போதைக்கு வேணவே வாணாம்டா சாமீ!” என்று புலனாகிட, சகலத்தையும் ஓரமோ ஓரம் கட்டிவிட்டோம் ! 

Formatting பணிகள் முழுவதும் முடிவுற்று, ராயல்டியும் செலுத்தப்பட்ட நிலையில் “த.வா.கு. துயில் பயில்வது நார்மலான நாட்களில், பெரியதொரு சுமையாய்த் தென்பட்டிராது தான் ! ஆனால் இன்றைக்கோ சம்பளங்களை முழுசாய்க் கண்ணில் காட்டவே தட்டுத் தடுமாறும் தருணத்தினில் “த.வா.கு” மாத்திரமன்றி ; இன்னும் இதே போல ஆராமாய் ஓவ்வெடுத்து வரும் கதைகளையும் ஏதேனுமொரு விதத்தில் களமிறக்கி, அரையணா, காலணாவைத் தேற்ற முடிந்தால் தேவலாமே என்று சபலமே மேலோங்கியது ! அதன் தொடர்ச்சியே “த.வா.கு” வினை MAXI சந்தாவில் வெளியிட நான் எண்ணியது ! ஆனால் ‘இது வேண்டாமே?‘ என்ற எண்ணங்கள் உங்கள் மத்தியில் பரவலாய்த் தென்பட்டிட, ரிவர்ஸ் கியர் போட்டு விட்டேன்! And சரியாக அத்தருணத்தில் தான் நமது ‘ஆன்லைன் புத்தக விழா‘ பற்றிய திட்டமிடல் அரங்கேறி வந்தது ! ரைட்டு… சந்தா ரயிலில் தான் ஏற்றி விட முடியலை… குரங்காரை ஷேர் ஆட்டோவிலாவது பயணிக்கச் செய்வோமே என்று நினைத்தேன்! அதன் பலனே “த.வா.கு” முழுவண்ண MAXI - current edition !

And likewise for ரோஜரின் “நேற்றைய நகரம்”‘ !! இதுவுமே சுமார் 4 ஆண்டுகளாய் வெளிச்சத்தைப் பார்க்கக் காத்திருக்கும் சாகசம் எனும் போது, short notice-ல் இதனை புத்தக விழா ஸ்பெஷலாய் இறக்கி விடுவதிலும் சிரமம் இருக்கவில்லை & இதன் விற்பனையின் உபயத்தில் அதனில் பூட்டுண்டு கிடக்கும் ராயல்டி தொகையேனும்  தேறினால் கூட அடுத்தாண்டின் ஏற்பாடுகளுக்கு உதவிடுமே  என்று பட்டது ! அதே சமயம் கலரில் மனுஷனை உலவச் செய்து செலவுகளையும் கூட்டி, விலைகளை ஜாஸ்தியாக்கிட வேண்டாமென்று தோன்றியதால் நேற்றைய நகரம் கருப்பு-வெள்ளை நகரமாகவே உதித்துள்ளது ! 

பொதுவாய் நல்ல திட்டமிடல்களோடே நிதிகளை நான் கையாள்வது வழக்கம் ; so இந்த கொரோனா வில்லங்கங்கள் கூட மாமூலானதொரு தருணத்தில் சமாளிக்க இயலா இக்கட்டாக  நமக்கு உருப்பெற்றிருக்கக்கூடாது தான் ! ஆனால் நம் நேரமோ-என்னவோ ; பிப்ரவரியில் நமது அச்சு இயந்திரத்தினை upgrade செய்யும் நோக்கில் கொள்முதல் ஒன்றை செய்திருந்தோம். கையில் உள்ளதொரு பழசைத் தட்டிவிட்டு, இந்தப் புதுசை உட்புகுத்துவது திட்டம் ! So பெரியதொரு முதலீடின்றி upgradation சாத்தியப்பட்டிருக்கும் என்பதே எனது நினைப்பாக அன்றைய பொழுதினில் இருந்தது !  ஆனால் மார்ச்சில் அத்தனையுமே தலைகீழாகிப் போக - எதையும் யோசிக்கும் அவகாசமே இருந்திடவில்லை - கதவுகளை பூட்டி விட்டு லாக்டவுணுக்குள் தஞ்சம் காணும் அவசரத்தில் ! And இன்றைக்கு கொஞ்சமாய் இறுக்கங்கள் தளர்ந்து விட்டுள்ள போதிலும், பொதுவாக தொழிலில் நிலவிடும் மந்த சூழலில், பழசைச் சீந்தக் கூட நாதியின்றிப் போய் விட்டது ! So, இறக்குமதி செய்து மே மாதம் நம்மை வந்து சேர்ந்த புது மிஷினானது கிட்டங்கியில் கம்பீரமாய்த் துயில் பயின்று வருகிறது - அதனோடே கணிசமான முதலீடையும் துயிலச் செய்தபடிக்கு ! இதனில் மட்டும் ஒரு முரட்டுத் தொகை தங்கியிருக்காது போயிருப்பின், இன்றைய தடுமாற்றங்கள் நிச்சயமாய் நம்மிடம் இருந்திராது ! And எதைத் தின்னால் பித்தம் தெளியுமோ ? என்ற பதைபதைப்பினில் "இரத்தப் படலம்" மறு-மறுக்கா புராஜெக்ட்டினுள்ளும் குதிக்கும் அவசரம் என்னுள் இருந்திராது ! அந்த வறட்சியின்  நீட்சியே இன்றைய த.வா.கு. படலமும் !! Sometimes the roll of the dice works out o.k. ; sometimes it doesn't ! So அவ்வேளைகளில் வியாபாரத்தின் பக்கமாய் சமரசம் செய்து கொள்வது தவிர்க்க இயலாது போகிறது ! So இதுவே “ஏன்” # 2 ன் பின்னணி ! 

அப்புறம் ஏன் # 3 ?? பற்றி எழுதுவதாயின் - அது கேள்வி எண் 1-ன் தொடர்ச்சியாகிடும் ! அது பற்றியும், இந்த ஆன்லைன் புத்தக விழா பற்றியும்,  அடுத்த பதிவினில் folks !!! மிடிலே இதுக்கு மேலே டைப்படிக்க !!  Bye guys !! See you around !! Have a beautiful Sunday !!

நாளை நமது ஆன்லைன் திருவிழாவின் இறுதி நாள் ; give it a try folks - if you haven't done it yet !!

பி.கு. : ஆன்லைன் புத்தக விழாவின் பரபரப்பினில் ஆபீசில் அத்தினி பேரும் பிசி - என்னைத் தவிர ! So சதியின் மதி அட்டைப்படம் + உட்பக்க டிஜிட்டல் கோப்புகளை வாங்கிட நேரமின்றிப் போய் விட்டது ! நாளைக்கு காலையில் கண்ணில் காட்டுகிறேன் folks !!