போனெல்லியின் புத்திரர்கள் !

 டா-ஆஹ்ன்-சோ நண்பர்களே,

வணக்கம். விடுமுறைகள் முடிந்த கையோடு மாமூலுக்குத் திரும்பியோர் கொஞ்சம் ; திங்கள் வரைக்கும் நீண்டிடும் விடுப்புகளில் இருப்போர் இன்னும் கொஞ்சம் - என இந்த வாரமே அரை உறக்கத்தில் பயணித்தால் வியப்புகளிராது தான் ! ஆனால் இங்கேயோ நம்மாட்கள் காலில் சட்டி சட்டியாய் சுடுநீரைக் கொட்டிக் கொண்டு, முகவர்களுக்கு புக்ஸ் அனுப்புவதிலும், அலறி வரும் போன்களுக்குப் பதில் சொல்வதிலும் பிசியோ பிசியாக உள்ளனர் !! "ஆங்...நான் விடிய விடிய கோட்டானாட்டம் முழிச்சி வேலை பாத்துக்கினு இருந்தச்சே நீங்கள்லாம் காலாட்டிக்கிட்டு இருந்தீங்கள்லே ; இப்போ நாங்க ஆட்டுவோம்லே கால !!" என்று மனசுக்குள் நினைத்துக்கொண்டே ஆபீஸின் அதகளப் பரபரப்பை ரசித்துக் கொண்டிருக்கிறேன் ! நடப்பாண்டினில் இந்த scenes நிறையவே நிகழ்ந்திருப்பது - சொல்லி மாளா மனநிறைவைத் தருவதோடு, அடிக்க அவசியமான கர்ணங்களுக்கெல்லாம் ஒரு அர்த்தம் தருவதாகவும் படுகிறது ! 

*FFS புக்ஸ் ரிலீஸ் வேளை

*வேதாளர் ஸ்பெஷல்-1 ரிலீஸ் தருணம்

*ரிப் கிர்பி ஸ்பெஷல் -1 ரிலீஸ் பொழுது

*கென்யா வெளியான மாதம் 

*மாண்ட்ரேக் ஸ்பெஷல் வேளை 

*சுஸ்கி-விஸ்கி ஸ்பெஷல் -1 ரிலீஸ் 

என்று இந்தப் பட்டாசுப் பொழுதுகள் ஒரு தொடர்கதையாகிடுவது புனித ஓடினின் மகிமையே என்பேன் ! Latest addition : டெக்ஸ் தீபாவளி மலர் & ஸாகோரின் அறிமுகம் ! ஆன்லைன் ஆர்டர்களிலும் அனல் பறந்து வருகிறது - இந்த போனெல்லியின் புத்திரர்களுக்கு ! Oh yes, விருந்தின் முதல் பந்தி தான் பரிமாறப்பட்டு வருகிறது ; இன்னமும் நிறைய பேர் பசியாறிடணும் ; ருசி குறித்து அலசிடணும் என்பது புரிகிறது - ஆனால் முதல் பந்தியின் verdict - "சூப்பர்" என்பதை மறுப்பதற்கில்லை ! 

கமர்ஷியல் கதைசொல்லலில் மன்னர்களான நமது இத்தாலியக் குழுமத்தின் # 2 நாயகர் ஸாகோர் தான் என்பது ஊருக்கே தெரிந்த சமாச்சாரம் எனும் போது, "இந்த ஹிட் என்னை ஆச்சர்யத்தில் ஆழ்த்தி விட்டதென்றெல்லாம்" பீலா விட மாட்டேன் நான் ! On the contrary - இத்தனை காலமாய் இவரை நம் அணிவகுப்பினில் இணைக்காது போனது ஏனென்று வேண்டுமானால் யோசிப்பேன் ! விடை நிரம்பவே சிம்பிள் : போனெல்லியின் 75-ம் ஆண்டுக்குப் பின்னே நிறைய போனெல்லி நாயக / நாயகியருக்கு புது உத்வேகம் / புது வார்ப்புகள் நல்கப்பட்டுள்ளன ! தவிர,தலைமை எடிட்டர் மௌரோ போசெல்லியின் வழிகாட்டுதல்களில் நிறைய புது இலக்குகள் வகுக்கப்பட்டுள்ளன ! A prime example is Young Tex Willer & Zagor ! போனெல்லி அவர்களின் உருவாக்கத்தில் தலையெடுத்த நாட்களுக்கும் இன்றைக்கு போசெல்லியின் ஒத்துழைப்போடு, கதாசிரியர் மொரேனோ புராட்டினியின் செதுக்கலில் வலம் வரும் ஸாகோருக்கும் ஏகமாய் வேற்றுமைகள் ! இப்போதெல்லாம் சரளமாய் கலரில் ஆஜராகிறார் ஸாகோர் ! In fact கடந்த 6 ஆண்டுகளாய் "கலர் ஸாகோர்" என ஆண்டுக்கு 2 முறை ஒரு முழுநீள 128 பக்க ஸாகோர் ஆல்பம் வெளிவருகிறது ! So முன்னாட்களின் வசீகரத்தை விட இன்றைக்கு ஸாகோரிடம் glamor ஒரு மிடறு தூக்கல் என்பது எனது அபிப்பிராயம் ! 

And எல்லாவற்றையும் விட - ஆங்கிலத்தில் ஸாகோர் கதைகள் வெளிவரத் துவங்கியிருப்பதுமே கடந்த ஐந்தோ-ஆறோ ஆண்டுகளுக்குள் தான் ! Cinebook இதழ்கள் நமக்குக் கண்களைத் திறந்து விட்டுச் செய்த அதே புண்ணியத்தை ஒரு சமகால அமெரிக்கப் பதிப்பகம் நமக்குச் செய்து வருகிறது ! So முதல் லாக்டௌன் பொழுதுகளில் கிடைத்த ஓய்வின் போதான திட்டமிடலில், ஸாகோரை நம் ரயில்வண்டியினில் இணைக்கும் மகாசிந்தனை ஓங்கியது ! ஆனால் முதல் கொரோனா அலையில் இத்தாலி செம சாத்து வாங்கியதால் ரொம்ப ரொம்ப காலம் எடுத்தது - அவர்கள் இயல்புக்குத் திரும்பிட ! And அதற்குள் இங்கே நாம் தர்ம அடி வாங்க ஆரம்பித்திருக்க, ஸாகோரை விடக் கபசுரக் குடிநீர் முக்கியமாகித் தெரிந்தது ! ஒரு மாதிரியாய் இங்கும்-அங்கும் நிலவரம் நார்மலாகி ஒன்னரை ஆண்டுகளுக்கு முன்னே ஸாகோர் தமிழ் பேச தயாராகி விட்ட போதிலும், நம்மிடம் ஸ்லாட்ஸ் இல்லை ! 2022 அட்டவணையில் கூட இவரை கண்ணில் காட்டலாமா - வேணாமா ? என்ற குழப்பம் தொடரவே செய்தது ! But முன்பதிவு தண்டவாளத்தில் ஏற்றிவிட்டாலும் "ஸாகோர் எக்ஸ்பிரஸ்" தடம் புரளாது கரை சேர்ந்து விடுமென்று நம்பிக்கை இருந்ததால் அவரையும் உட்புகுத்தியிருந்தேன் - ஈரோட்டுப் புத்தக விழா சமயத்தில் ஸ்பெஷல் புக்காக்கி விடலாமென்று ! But இதோ - தீபாவளிக்கு முன்னோடியாய் வந்து விட்டார் கோடாரி ஏந்திய மாயாத்மா ! 

So what next ? நம் மத்தியினில்  what does the future hold for ZA-GOR-TE-NAY ?

கிட்டத்தட்ட 700 ஆல்பங்கள் black & white-ல் உள்ளன இவரது ரெகுலர் தடத்தில் ! And இந்த black & white கதைகளின் அநேகத்தைப்  பின்னாட்களில் வர்ணம் பூசி மறுபதிப்பிட்டுள்ளனர் ! அவை நீங்கலாய் வண்ணத்திலேயே உருவாக்கப்பட்ட கலர் சாகசங்கள் நிறையவே உள்ளன ! நாயகரின் உதயத்தை இந்த அறிமுக ஆல்பம் establish செய்து விட்டுள்ள நிலையில் நாம் அடுத்த பயணத்தை எங்கிருந்து ஆரம்பிப்பது ? இந்த நொடியில் என் முன்னேயுள்ள கேள்வி இதுவே ! And 2023 அட்டவணையினை அக்டோபர் இறுதி வரைக்கும் நான் தள்ளிப் போட்டதுமே - ஸாகோர் சாரை அடுத்தாண்டினில் எவ்விதம் கையாள்வதென்ற தெளிவினை எதிர்பார்த்தே ! இந்த நொடியில் நீங்கள் எனக்குச் செய்ய வேண்டிய உதவி இது தான் guys :

ஸாகோரை படியுங்கள் please - படித்த கையோடு உங்களின் எண்ணங்களை பகிருங்கள் ப்ளீஸ் ! அட, அதற்கு நேரமில்லையா - வெறுமனே மார்க் மட்டும் போட்டால் கூடப் போதுமானது ! வாட்சப்பில் கூட உங்கள் மார்க்குகளை அனுப்பிடலாம் ! (73737 19755) உங்களின் மதிப்பீடுகளைக் கொண்டே 2023-ல் இவரைக் கையாளும் பாணியினை நான் தேர்வு செய்திட வேண்டியிருக்கும் guys ! நானாக புது நாயகரை ஓவராய் மதிப்பீடு செய்து தேவைக்கு அதிகமாய்க் கதைகளை உங்கள் சிரங்களில் கட்டி விடவும் கூடாது ; underestimate செய்திடவும் கூடாதே ?! 

இதோ - நடப்பாண்டைப் போலவே ஒரு கலக்கலான கலர் ஆல்பத்தை ஐநூறுக்குப் போட்டுப்புட்டு போய்க்கினே இருக்கலாமா ? இல்லாங்காட்டி இன்னும் ..இன்னும் நிறைய expressions தர வேண்டியிருக்குமா ? படிச்சிட்டு மார்க்ஸ் போடுங்கோ ப்ளீஸ் - படம் பார்த்துட்டு நஹி !  திட்டமிடல்களை அதற்கேற்ப இந்த "மூ" பாத்துக்குறான் ! டோனடகோஹ்வி guys !