அரை நூற்றாண்டின் முதல்வர் !

 நண்பர்களே,

வணக்கம். கும்முடிப்பூண்டி போறதுக்கு குவைத் வழியா போகலாமே ? என்ற மாமூல் நீட்டல்கள் & முழக்கல்களின்றி சேதியைச் சொல்லி விடுகிறேனே  : இன்றைக்கு கூரியரில் / பதிவுத் தபாலில் - 2 குண்டுப்பூசணி புக்ஸ் கிளம்பியாச்சு ! திங்களன்று எல்லா கூரியர்களும் வழக்கம் போல பணிசெய்வர் எனும் போது, காத்திருக்கும் விடுமுறை வாரத்தை, TEX & இளம் ஸாகோர் சகிதம் தூள் கிளப்பிடலாம் ! செவ்வாயன்று ST கூரியர் பணியாற்றுவார்களாம் ; so திங்கள் மிஸ் ஆனால் கூட செவ்வாயின் சரஸ்வதி பூஜை தினத்திலாவது புக்ஸைக் கைப்பற்றிடலாம் போலும் ! ஆனால் DTDC நெட்டுக்கு 2 நாட்கள் கடையைச் சாத்திப்புட்டு கிளம்பி விடுவார்கள் போலும் ; so DTDC உதவியில் புக்ஸைப் பெற்றிடப் பணித்துள்ள நண்பர்களுக்கு, திங்களே புக்ஸ் கிடைத்து விட்டால் தேவலாம் ! அப்புறம் ஒரு முக்கிய தகவலுமே : இந்த மாசப் பார்சல்களை உடைக்கும் போது, ரொம்பவே கவனமாய், பக்குவமாய் ; பதவிசாய் செயல்படுமாறு கோருகிறேன் - becos 2 ஹார்ட்கவர் புக்ஸ் மாதமிது என்பதால் வழக்கத்தை விடவும் நல்ல தடிமனான பெட்டிகளை செய்யச் சொல்லியிருந்தோம் ! ஆனால் டப்பிக்களை அகலத்தில் கொஞ்சமாய் குறைத்துச் செய்து தந்துவிட்டார்கள் ! So பெரும்பாடு பட்டே இன்றைக்கு புக்ஸை பேக் செய்துள்ளார்கள் நம்மாட்கள் ! பார்சல் ரொம்ப tight fit என்பதால், கத்திரியோ- ப்ளேடோ போட்டு பார்சலை திறக்கும் போது ரொம்பவே ஜாக்கிரதை ப்ளீஸ் !! அப்புறம் 2 முரட்டு டேங்கர் லாரிகளாய் ரூ.500 + ரூ.500 விலைகளில், டெக்ஸ் தீபாவளி மலரும், ஸாகோரும் வெளிவரும் மாதத்தில், அந்த டெட்வுட் டிக் தம்பியை TVS 50-ல் ஏற்றிவிட்டு களமிறக்கிப் பார்ப்பது கொடுமையாகிப் போய்விடும் ; கடைகளின் விற்பனையில் ரொம்பவே அடி வாங்கிடக்கூடும் என்றுபட்டது ! So அவரை ஆண்டின் இறுதிக்கு நகற்றி விட்டோம் ! And மீண்டும் இன்னொரு முக்கிய தகவல் : ஸாகோர் ரெகுலர் சந்தா இதழல்ல ; முன்பதிவுக்கு மாத்திரமே, எனும் போது நீங்கள் முன்பதிவு செய்திருக்காத பட்சத்தில் இம்முறை உங்கள் கூரியர் டப்பியினில் TEX தீபாவளி மலர் மாத்திரமே இடம் பிடித்திருக்கும் ! So திங்களன்று நம்மாட்களைத் துவைத்துத் தொங்கப்போட 'தம்' கட்டும் முன்பாய். ஸாகோர் ஸ்பெஷல் இதழுக்கு முன்பணம் அனுப்பியாச்சா ? என்று ஒருவாட்டி சரி பார்த்து விடுங்களேன் - ப்ளீஸ் ?

Moving on, போன பதிவினில், கேப்டன் டைகரின் "தங்கக் கல்லறை" சார்ந்த கேள்விக்கு, for  / against என்று ஆளாளுக்கு பொங்கியிருக்க, எனக்கோ அந்த அலசல்களின் bigger picture தான் கண்ணில்பட்டது ! பெரும்பான்மைக்கு இந்த இதழில் ஆர்வமில்லை என்பது ஸ்பஷ்டமாய்ப் புரிவதால், டைகராரும், ஜிம்மியும், லக்னரும், இன்னும் கொஞ்சம் ஆண்டுகள் உறக்கத்தில் இருத்தல் அவசியம் என்றாகிறது ! நான் கவனித்த bigger பிக்சரோ - "டைகர்" என்ற அந்த நாயகரின் ஆளுமை நம் மத்தியில் விட்டுச் சென்றுள்ள impact எத்தனை ஆழமானது என்பதையே ! And நமது நிறுவனத்தின் ஐம்பதாவது ஆண்டுதனில்  - WHO IS THE BIGGEST OF THEM ALL ? இது வரையிலும் நாம் சந்தித்துள்ள நாயகர்களுள் # 1 யார் ? என்ற கேள்வி ஒரு சுவாரஸ்ய விவாதத்துக்குப் பொருளாகிடக் கூடும் என்று நினைத்தேன் ! 

Without a doubt - இந்த லிஸ்டில் முதல் பெயர் "இரும்புக்கை மாயாவி" என்று தானிருக்க வேண்டும் ! இதோ - தற்போது நடைபெற்று வரும் மதுரை புத்தக விழாவினில் கூட, மாயாவியின் விற்பனை அதகளப்படுத்தி வருகிறது ! In fact கைவசம் மூன்றே மூன்று "மாயாவி" புக்ஸ் தான் உள்ளன என்பதைப் பார்த்து விட்டு செம காண்டாகிடும் வாசகர்கள் எக்கச்சக்கம் என்று ரெண்டு நாட்களுக்கொருமுறை எனக்குத் தகவல்கள் தொடர்ந்து கொண்டே உள்ளன ! இந்த phenomenon எத்தகையது என்பதை சத்தியமாய்ப் புரிந்து கொள்ள முடியவில்லை ; becos தீவிர பொம்ம புக் வட்டமான நாம் மாயாவிகாருவைத் தாண்டி அநேக தூரம் பயணித்து விட்டோம் ! So இன்றைக்கு மாயாவியைத் தேடி வருவோர் அனைவருமே, இந்தச் சிறு குடைக்கு வெளியிலுள்ள casual readers - அல்லது  அந்நாட்களின் ஞாபகார்த்தமாய் சேகரிப்போர் மாத்திரமே !! காமிக்ஸ் வாசிப்புகளை மாயாவியில் ஆரம்பித்து, மாயாவியோடு முடித்துக் கொள்ளும் இந்த நண்பர்கள் இன்னும் எத்தனை எத்தனை ஆயிரம் பேர் இருப்பரோ - புரிஞ்சில்லா !! 

இடைப்பட்ட ஒரு சிறு காலகட்டத்தில், அமெரிக்க சூப்பர் ஹீரோக்களை பார்த்து படைப்பாளிகள் மாயாவிக்கும் ஒரு கோமாளி வேஷம் கட்டிப் பார்த்த நாட்கள் நீங்கலாக - மாயாவியின் கதைகள் அனைத்துமே தரமானவை என்பதில் ஐயங்களில்லை ! Of course "காதில பூ" என்ற கோணத்தில் பார்த்தால், இந்தத் தொடரே வேஸ்ட் தான் ; ஆனால் அந்த அசாத்திய ஆற்றல் கொண்ட நாயகரின் பாத்திரத்தோடு காதல்வயப்பட்டு விட்டோர்க்கு - மாயாவியின் இந்த 30+ கதைகளுமே ஒரு விருந்து தான் ! 

"ஆளுமை லிஸ்ட்டில்" அடுத்த பெயராகச் சொல்வதானால் - வேதாளரைச் குறிப்பிடலாம் ! ரொம்ப ரொம்ப நேர்கோட்டுக் கதை தான் ; டென்காலி கானகம் ; ஈடேன் தீவுகள் ; கபாலக் குகை ; எப்போதேனும் நகர்ப்புறம், என்று இவர் வலம் வருவதுமே ரொம்பக் குறுகலான வட்டத்தினுள் தான் ! ஆனால் "இவர் நம்மிடம் விட்டுச் சென்றுள்ள தாக்கமென்ன ?" என்பதை நடப்பாண்டில் - ஸ்மாஷிங் '70s இதழ் # 1 செமத்தியாய்க் காட்டி விட்டது ! அந்த "வேதாளர் ஸ்பெஷல் # 1" வெளியான நாட்களில் குவிந்த சிலாகிப்புகள், ஒரு நூறு மூ.ச. அனுபவங்களை மறக்கடிக்கும் ஆற்றல் கொண்டிருந்தது ! அந்த கம்பீரம் ; ஆண்மை ; அஞ்சாமை என்பன, exotic ஆனதொரு கானகப் பின்னணியில் சொல்லப்படும் போது அதனில் மயங்காது போவது ரொம்பவே கடினம் என்பது புரிகிறது ! பற்றாக்குறைக்கு அந்த முகமூடியின் பின்னுள்ள மர்ம முடிச்சு ; makes for a complete hero !

ஆளுமை லிஸ்டின் அடுத்த பெயரை நான் உச்சரிக்காவிட்டால் தெய்வ குற்றம் ஆகிடக்கூடும் - becos எண்பதுகளின் பிற்பாதியையும், தொண்ணூறுகளின் முற்பாதியையும் முழுசாய்க் குத்தகைக்கு எடுத்திருந்தவர் தானைத் தலைவர் ஸ்பைடர் தானே ? நியூயார்க் நகரையே அலேக்காய்த் தூக்கிப் போவதாகட்டும், சிரசாசன SMS அனுப்புவதாகட்டும், ஹெலிகாரில் ஏறி வித விதமான வில்லன்களோடு போரிடுவது ஆகட்டும் - we just loved it all !! சத்யராஜ் ஸ்டைலில் முழு வில்லனாய் ஆரம்பத்தில் தலைகாட்டி விட்டு ; நாட்களின் ஓட்டத்தில் ஒரு நீதிக்காவலனாய் உருமாறிய ஸ்பைடர் - வெறும் சவடால் சவுண்ட் பார்ட்டியல்ல - நமது பால்யங்களின் அடையாளம் !! 

பட்டியலில் அடுத்து இடம்பிடிக்கக் கூடியவர் - நமது 'தல' டெக்ஸ் தான் ! 1985-ல் நம் மத்தியில் அறிமுகமானவர் ; தொடர்ந்துள்ள 37 ஆண்டுகளிலும் நமது காமிக்ஸ் வாசிப்புகளில் முதன்மையானவராய்த் தொடர்ந்து வருகிறார் ! "ஐயா...நேர்கோட்டுக் கதையே தான் ; நீங்கள் அட்டைப்படத்தை ரசித்து, உட்பக்க அச்சின் மையை முகர்ந்து  கொண்டிருக்கும் நேரத்திற்கெல்லாம் கதையின் வில்லன் யாரென்பது தெரிந்திருக்கும் தான் ; ஆனாலும் 224 பக்கங்கள் ; 336 பக்கங்கள் என்று சர்வ சாதாரணமாய் போட்டுத் தாக்கும் இவரது ஆல்பங்கள், நம்மிடம் உருவாக்கும் impacts பீரங்கி குண்டுகளுக்குச் சமானம் என்பேன் ! 

"ஆளுமை" என்ற அடையாளத்தோடு ஒரு சிரிப்பு நாயகரை அறிமுகப்படுத்தினால் நானே சிரிப்பை உண்டாக்குபவனாய்த் தெரியக்கூடும் தான் ; ஆனாலும் "லக்கி லூக்" என்ற பெயரை உச்சரிக்கும் போது நம்மையும் அறியாமல் நமது முகங்களில் ஒரு புன்னகை இழையோடுகிறதே - அதுவே இந்த poor lonesome கௌபாயின்  சாதனை என்பேன் ! 35 ஆண்டுகளாய் நம் மத்தியில் ஒரு நிரந்தரராய் ; கார்ட்டூன் ஜானரின் ஒரே தலீவராய்த் தொடர்ந்திடும் இந்த ஒல்லி கௌபாயின் தொடர் இன்றளவிற்கு நீண்டு சென்று வருகிறது ! வன்மேற்கின் பிரபல வில்லன்கள் ; பிரபல நிகழ்வுகள் என்றெல்லாம் தோண்டிப் பிடித்து, கதைக்குள் லாவகமாய் இணைத்திட்ட (ஒரிஜினல்) படைப்பாளிகளின் டீம் செமத்தியான பாராட்டுக்களுக்கு உரித்தானோர் ! Of course - தொடரின் பிற்பாதி - without doubt சுமார்மூஞ்சிக் குமாரு தான் ! அவற்றைப் புறந்தள்ளிவிட்டு அந்த க்ளாஸிக் காலகட்டத்தின் க்ளாஸிக் கதைகளை தேடிப் பிடித்தோமானால் - ஒவ்வொரு ஆல்பமும் மணி மணியாய் நம் முன்னே நிற்பது தெரியும் ! "லக்கி லூக்" - very much in the race !!

"கேப்டன் டைகர்" !! பெயரைக் கேட்டாலே விசில்கள் இன்னமும் பறப்பதே இந்தப் பரட்டைத்தலை நாயகரின் visiting card ! வன்மேற்கில் இவரோடு கரம்கோர்த்துப் பயணித்ததில் நாம் கண்டெடுத்த முத்துக்கள் ஒன்றல்ல ; இரண்டல்ல - ஒரு வண்டி !! இந்த மனுஷனை ஒரு ரெகுலரான ஹீரோ என்ற பட்டியலுக்குள் அடைப்பதே கஷ்டம் - becos இவர் படைப்பிரிவின் தளபதியுமல்ல ; ரேஞ்சுருமல்ல ; ஷெரீப்புமல்ல (பின்னாட்கள் வரையிலாவது) ! So ஒரு சாதாரண சிப்பாயாய் ரவுண்டடித்தபடிக்கே ஒரு மனுஷன் இத்தனை அபிமானத்தை ஈட்டியிருப்பது truly incredible ! பிரான்க்கோ-பெல்ஜிய படைப்புலகினில் கௌபாய் தொடர்களுக்கொரு இலக்கணமாய் ; ஒரு அளவுகோலாய் இன்றளவிற்கு நிற்கும் கேப்டன் டைகர் என்ற Mike ப்ளூபெரியை - பின்னாட்களில் யார் யாரையெல்லாமோ கொண்டு கதையெழுதி, படம் போட்டு "இளம் டைகர்" என்று உலவ விட்ட கூத்து மட்டும் அரங்கேறியிருக்கா விட்டால் - this man would be HUGE !! 

அடுத்தவரோ ஒரு நம்பர் !! XIII !! விற்பனையில் மாயாவியையே ; டெக்ஸ் வில்லரையே தண்ணீர் குடிக்கச் செய்த ஜாம்பவான் - இந்த ஞாபக மறதிக்காரர் ! நம் மத்தியில் 1986-ல் துவங்கி 2005 (???) வரைக்கும் தூண்டும், துக்கடாவுமாய் வெளியாகியே கூட ஒரு அசாத்திய அபிமான வட்டத்தை இவர் ஈட்டியிருந்ததில் no secrets ! விற்பனை அளவுகோல்களின்படி இந்த 50 ஆண்டுப் பயணத்தின் முதல்வரைத் தேர்வு செய்வதாயின் - வான் ஹாமின் இந்த அசாத்தியப் படைப்பைத் தாண்டிப் பார்ப்பது சிரமமாக இருந்திடும் ! 

தொடரும் நாயகருமே வான் ஹாமின் ஆக்கமே - லார்கோ வின்ச் எனும் செம வித்தியாசமான படைப்பாய் 10 ஆண்டுகளுக்கு முன்னே நமக்கு அறிமுகமான வகையில் ! அழுத்தமான நாயகக் கதாப்பாத்திரப் படைப்பு ; அதகளப்படுத்தும் கதைக்களங்கள் ; வசீகரிக்கும் ஒரு playboy நாயகன் ; யுத்தங்கள் வன்மேற்கிலும். குற்றங்கள் மலிந்த அமெரிக்க வீதிகளிலும் மட்டுமே நடப்பதில்லை - பெரும் குழுமங்களின் மத்தியில், வணிக உலகினிலும் அரங்கேறிடுவதுண்டு என்ற அழுத்தம் - லார்கோ வின்சை ஒரு சராசரி ஹீரோ எந்த அந்தஸ்திலிருந்து நிறையப் படிகள் உயர்த்தி நிற்கச் செய்துள்ளன !

எனது பார்வையில் மேலுள்ள இந்த 8 நாயகர்கள், நம் அணிவகுப்பில் உள்ள சக நாயகர்களை விடவும் கணிசமாய் உயர்ந்து நிற்கும் ஜாம்பவான்கள் ! "ஏன் ஆர்ச்சி லிஸ்ட்டில் இல்லியா ? சிக் பில் இல்லியா ? ட்யுராங்கோ இல்லியா ? தோர்கல் இல்லியா ? லாரன்ஸ்-டேவிட் இல்லியா ?" என்றெல்லாம் அந்தந்த நாயகர்களின் நேசர்கள் கேள்விகள் எழுப்பிடலாம் தான் ! ஆனால் நான் பேசுவது அரை நூற்றாண்டின் முதல்வரைப் பற்றி எனும் போது - we need to talk about THE ABSOLUTE VERY BEST !! So சொல்லுங்களேன் guys - உங்களின் பார்வையில் ஹீரோ # 1 யாரென்று ? And அந்தத் தேர்வின் பின்னணி பற்றியும் - இரத்தினைச் சுருக்கமாய் சொன்னீர்களெனில் சுவாரஸ்யமாய் இருக்கக்கூடும் ! Bye all....see you around ! Have a fun Sunday !

P.S : காரைக்குடி இன்னமும் சூடு பிடிக்கக் காணோம் - ஆனால் மதுரைப் புத்தக விழா விற்பனைகள் செம ரகளை !! தினமும் கல்லூரி மாணவ / மாணவியரும், பள்ளி மாணாக்கரும் குவிந்து வருகின்றனர் ! Absolutely heartening !! And the sales has been wow !!!

Online listings : https://lion-muthucomics.com/latest-releases/1025-october-pack-2022.html

https://lioncomics.in/product/october-pack-2022/

MADURAI :

KARAIKUDI :