ஒரு புறப்பாடும், ரெண்டு இளவரசியும்....!

 நண்பர்களே,

வணக்கம். மழை பெய்து ஓய்ந்தது போல், வாரயிறுதியின் அட்டவணை அலப்பரைகளுக்குப் பின்பாய் தளம் அமைதியாய் இருப்பது, ஒரு விதத்தில் நம்மூர்களின் நிஜ மழை நிலவரங்களை ஒத்தே உள்ளதென்பேன் ! திங்களும், செவ்வாயும் போட்டுத் தாக்கிய மழைக்குப் பின்னே கதிரவன் இன்று தான் புன்னகைத்து வருகிறார் - at  least எங்க ஊரில் !  So வானம் வெறித்த முதல் கணத்தில், உங்களின் நவம்பர் டப்பிக்கள் கூரியர் பயணங்களைத் துவக்கி விட்டன ! Hopefully நாளை உங்கள் இல்லங்களை காரிகனும், சிஸ்கோவும், மேக் & ஜாக் ஜோடியும் தட்டுவார்களென்று எதிர்பார்க்கலாம் ! But உங்களின் முனைகளில் அரங்கேறிடக்கூடிய வர்ண பகவானின் தாண்டவ நிலவரங்கள் தாமதங்களை உருவாக்கிடலாம் ! Fingers crossed !!

நவம்பரின் புக்ஸ் ஓரிரு நாட்கள் தாமதமாகியதற்கு கொட்டிய மழை மாத்திரமே காரணமல்ல ! அட்டவணையினை என்ன தான் நான் சிண்டைப் பிய்த்து உருவாக்கியிருந்தாலுமே, உங்களின் ஏகோபித்த ரியாக்ஷன்ஸ் என்னவாக இருக்குமென்பதை அவதானித்த பின்பாகவே அட்டவணையினை அச்சுக்கு அனுப்பிட எண்ணியிருந்தேன் ! ஏதேனும் ஒரு தேர்வோ / தேர்வின்மையோ, நான் முழுசுமாய் எதிர்பார்த்திரா திக்கில் உங்களின் மத்தியில் நெருடல்களை உருவாக்கி இருக்கும் பட்சத்தில், அதனைச் செப்பனிட்டே திங்களுக்கு அட்டவணையினை பிரிண்ட் செய்யலாமென்று மகா சிந்தனை  ! Take nothing for granted என்பதே தாரக மந்திரம் - இப்போதெல்லாம் ! (வயசாகிடுத்து அல்லவா - கொஞ்சம் எக்ஸ்டரா முன்ஜாக்கிரதை முன்சாமி அவதார் !!) So திங்களன்று அட்டவணை பிரிண்ட் ஆகிவிட்ட போதிலும் மழையின் தாக்கத்தினால் பைண்டிங் மறுநாளுக்கே சாத்தியமானது ! And இதோ இன்றைக்கு ஆரவாரமாய்க் கிளம்பி விட்டனர் நவம்பர் பார்ட்டீஸ் - 32 பக்க அட்டவணையுடன் ! Please note guys : இம்மாதம் "கைப்புள்ள ஜாக்" விலையில்லா இதழானது டப்பிக்களில் இருந்திடாது ! டிசம்பரோடு குள்ள வாத்தின் முதல் ஆல்பம் நிறைவு காண்கிறது ! 

இம்மாதத்து package ரொம்பவே சுவாரஸ்யமூட்டும் கூட்டணி - என்னளவிற்காவது ! 'தல' எனும் show stealer நஹி எனும் போது, வெளிச்ச வட்டத்தை இந்த next level நாயகர்கள் தமக்குள் எவ்விதம் கையாள்கிறார்களென்று பார்க்க ஆவல் ! காரிகனை முதலில் வாசிப்புகளுக்கு உட்படுத்தப் போகிறீர்களா ? சிஸ்கோவுடன் கரம் கோர்ப்பது திட்டமா ? அல்லது கார்ட்டூன் பார்ட்டிகளே வரிசையில் முதல்வர்களா ? Any ideas yet guys ? எது எப்படியோ - இம்மாதம் அட்டவணையின் 32 பக்கங்கள் உங்களை முதலில் ஈர்க்காது போனால் தான் வியப்பு கொள்வேன் ! என்ன தான் இங்கே நெட்டில் பார்த்திருந்தாலும், ஒரு புக்காய்ப் பார்க்கும் அனுபவமே வேறு தானே ?! 

ரைட்டு...குறும்பதிவோடு, நான் டாட்டா சொல்லிக் கிளம்பலாம் தான் ; அந்த இளவரசி மேட்டர் மட்டும் இல்லாங்காட்டி ! ஆங்...வார்த்தைப் பிரயோகம் சற்றே வில்லங்கமாய்த் தொனிக்குதோ ? நிஜத்தைச் சொல்வதானால் இதனை "இளவரசர் மேட்டர்" என்று தான் சொல்லணும் ! என்ன ஓவராய் குழப்புறானே - என்று நீங்கள் பற்களைக் கடிக்கும் முன்பாய் விஷயத்துக்கு வந்து விடுகிறேன் :

The B & B ஸ்பெஷல் - 2 என க்ளாஸிக் ஜேம்ஸ் பாண்ட் + இளவரசி மாடஸ்டி இணைந்த ஆல்பம் நடப்பாண்டிற்கென திட்டமிட்டிருந்தது நினைவிருக்கலாம் ! டிசம்பர் 2022-ல் இந்த இதழ் இடம்பிடிப்பதாய் திட்டமிடல் ! So இந்த ஜூன் மாதத்தின் ஒரு பொழுதினில் கதைகளைத் தருவிக்க பணம் அனுப்பினோம் - தலா ஒரு மாடஸ்டி + ஒரு க்ளாஸிக் ஜேம்ஸ் பாண்ட் கதைக்கு என்று ! ஜேம்ஸ் பாண்ட் & மாடஸ்டி & புயச்சி புயல் அமாயா கதைகள் மட்டும் நமக்கு வருவது இங்கே இந்தியாவில் உள்ள ஏஜெண்ட் வாயிலாய் ; பாக்கி சகலமும் அயல் தேசங்களிலுள்ள படைப்பாளிகளுடன் நேரடித் தொடர்புகளே ! பணம் அனுப்பிய மறுநாளே மாடஸ்டி 'டாணென்று' வந்தார் ; ஆனால் JB-க்குப் பதிலாய் வந்தது, இங்குள்ள ஏஜென்ட்டிடமிருந்து ஒரு போன்கால் மாத்திரமே ! அதன் சாரம் பின்வருமாறு : 

"தவிர்க்க இயலாவொரு சூழல் !! ஆகையால் க்ளாஸிக் JB கதைகளை தமிழில் வெளியிட உங்களுக்குக் கொஞ்ச காலத்துக்கேனும் கதைகள் வழங்க இயலாது.......தப்பாக எடுத்துக் கொள்ளாதீர்கள்...ஜேம்ஸ் பாண்டுக்கென அனுப்பியிருந்த பணத்திற்கு ஈடாக வேறு மாடஸ்டியோ ; அமாயாவோ வாங்கிக் கொள்கிறீர்களா ?" என்றும் கேட்டார் 45 ஆண்டுப் பரிச்சயமான அந்த நண்பர் ! அவர் குறிப்பிட்ட "தவிர்க்க இயலாச் சூழல்" எதுவென்பது எனக்குப் புரிந்தது & அது குறித்து வினவிய போது எனது யூகம் சரியே என்றார் ! (Pretty sure, quite a few of you would be aware of that too !) அதனைப் பொதுவெளியில் இங்கே விளக்கிப் பதிவிடுவது தொழில் நாகரீகம் ஆகிடாது என்பது  நிலவரம்  ! So அவர் சொல்ல வந்ததை மறுப்பின்றிக் கேட்டுக் கொண்டு, பணத்துக்கு ஈடாக என்ன வாங்குவதென்று யோசித்துச் சொல்வதாய் கூறினேன் ! "இளவரசியா ? புயட்சிப் புயலா ?" என்ற கேள்விக்குள் அன்றைக்கு ஊன்றிப் போனேன் !  அம்மணி அமாயா புயட்சி செய்ய வேண்டிய அளவுக்குத் தற்காலிகமாய் நம் மத்தியினில் பிரச்சனைகள் இல்லை என்றுபட்டது ! So இரண்டாவதாயொரு மாடஸ்டி கதையினையே தேர்வு செய்து சொன்னேன் & மறுநாளே டாணென்று அது வந்து சேர்ந்தது ! ஆகையால் க்ளாஸிக் J.B. இருந்த  இடத்தினில், மாடஸ்டியின் இரண்டாவது சாகசத்தை அமர்த்தி  - டிசம்பரினை ஒரு இளவரசி டபுள் டமாக்கா மாதமாக்கிட எண்ணியுள்ளேன் ! அதனால் தான் 2023-ல் இன்னொரு இளவரசி ஆல்பத்தை அறிவிக்காது,  அதற்கடுத்த ஆண்டினில் பார்த்துக் கொள்வோமென்று விட்டு விட்டேன் ! Hope you'll understand guys ! So டபுள் மாடஸ்டிக்கு டபுள் ரைட்ங்களா ? இல்லாங்காட்டி சிங்கிள் ரைட்டாவது ??

And க்ளாஸிக் JB இப்போதைக்கு இல்லையென்றாகி விட்டுள்ள நிலையில் JB 2.0-க்கு இன்னும் ஆர்வமாய் துண்டை விரிக்கத் தயாரான சமயத்தில் தான் டாலர் எகிற ஆரம்பித்து சில்லுமூக்குக்குச் சேதாரம் ஏற்படுத்தி வைத்தது ! But அட்டவணைப் பதிவினில் சொல்லியிருந்தது போல - JB 2.0-க்கு படைப்பாளிகளை நேரில் சந்தித்துப் பேசிட எண்ணியுள்ளேன் ! Fingers crossed big time !

இங்கே சின்னதாயொரு கோரிக்கை all : நிலவரத்தை நான் விளக்கியது உங்களிடம் as always எல்லாவற்றையும் பகிர்ந்து கொள்ளும் பாணியில் தான் ! So இந்த நிகழ்வுகளை விமர்சிப்பதோ ; கருத்துக் கூறுவதோ வரவேற்கப்பட மாட்டாது - because இது படைப்பாளிகள் சார்ந்தது என்பதால் ! ஆகையால், இதைத் தகவலாய் மாத்திரமே காதில் போட்டுக் கொண்டு, இளவரசிக்கொரு டபுள் 'ஜே' போடுவோமா  ? 

And please -"குடியே முழுகிப் போச்சு ; ஏமாற்றத்தில் நொந்து நூடுல்சாகிப் போய்விட்டேன் ; சுருள்முடி ஜேம்ஸ் இல்லாங்காட்டி அன்னம், தண்ணி உள்ளாற போகாதே !! இந்த வருஷமே போச்ச்சே !!" என்ற ரீதியில் பொதுவெளி விசனங்கள் வேண்டாமே ப்ளீஸ் ?  ஏமாற்றங்கள் என ஏதேனும் இருப்பின், அவற்றை மின்னஞ்சலில் முழுசாய்க் கொட்டித் தள்ளி நமக்கே அனுப்பிடுங்கள் ! அதே போல க்ளாஸிக் J.B. மீது அபிமானம் இல்லாதோரும் அதனை பொதுவெளியினில் express செய்திடவோ  ; பகடி செய்வதோ வேண்டாமே ப்ளீஸ் ? அவர்களுமே ஒரு ஈ-மெயிலில் தங்கள் எண்ணங்களைப் பகிர்ந்திடலாம் ! Just this once - lets keep things in check & private please !

அப்புறம் இன்னொரு கோரிக்கையுமே folks : "எனது சர்வீஸில், இது வரையிலும் இதைத் தொனித்த வெற்றியை நான் பார்த்ததே இல்லை !!" என்று சொல்லத் தூண்டும் SMASHING '70s தனித்தடம் இம்மாதத்துடன் நிறைவுறும் நிலையினில், அந்த 4 ஸ்பெஷல் இதழ்களையும் கையில் விரித்து வைத்துக் கொண்டோ ; உங்கள் முன்னேயான மேஜையில் பரப்பிப் போட்டோ ; அடுக்களையில் பாத்திரம் கழுவும் வேளைதனில், ஈரம் படாத ஒரு முனையில் நிறுத்தி வைத்தோ, போட்டோ எடுத்து அனுப்புங்களேன் - ப்ளீஸ் ? Maybe அதிர்ஷ்ட தேவதையின் ஆதர்ஷம் கிட்டிடும் பட்சத்தில் - தொடரும் சீஸன்களோ ; வேறு சில இதழ்களோ இதை மிஞ்சிய வெற்றியினையும் ஈட்டிடலாம் தான் ! ஆனால் சிகரத்தில் மொதவாட்டி ஏறும் வீரர் கொஞ்சம் ஸ்பெஷல் தானே ? So பல் போன வயசில் 'பழைய நெனப்புடா பேராண்டி' என்று அசைபோடும் தருணங்களில் இந்த போட்டோக்களை ஞான் ரொம்பவே வாஞ்சையோடு பார்க்க முனைவேன் அல்லவா ? காமெராக்களை வெளியே எடுங்க ; தொந்திகளை உள்ளுக்குள்ளே தள்ளுங்கோ ; சிரிச்சா மெரி போஸ் கொடுத்தபடிக்கே SMASHING '70s இதழ்கள் நான்கையும் தெரியச் செய்யுங்களேன் - ப்ளீஸ் ? இங்கே பதிவிலும், FB பக்கத்திலும் போட்டுத் தாக்கிடுவோமே ? And thank you ever so much - for making it a stunning success !!

Bye all ....see you around ! Have a safe week !! 

P.S : நவம்பர் இதழ்களின் ஆன்லைன் லிஸ்டிங் போட்டாச்சு : 

https://lion-muthucomics.com/latest-releases/1043-november-pack-2022.html