தொடரும் ஒரு ஆட்றா ராமா...தாண்ட்றா ராமா !!

 நண்பர்களே,

வணக்கம். கம்பெனி ரூல்ஸ்படி உபபதிவு ரெண்டு நாட்களுக்கு முன்னமே வந்திருக்கணும் தான் ; ஆனால் எதையாச்சும் உருப்படிக்கணக்குக்குப் போட்டு வைப்பதற்குப் பதிலாய், உருப்படியாய்ப் போட்டால் தேவலாமே என்று நினைத்தேன் ; so இதோ சித்தே லேட்டாக என்றாலும் லேட்டஸ்ட்டாய் வந்தாச்சு ! 

டெக்ஸ் தீபாவளி மலர் smash ஹிட் என்பது ஊர்ஜிதம் ஆகியாச்சு ; already இந்த இதழில் ஸ்டாக், ரேக்கின் ஒண்ணரைத்  தட்டு ரேஞ்சுக்கு வந்தாச்சு ! இப்போதெல்லாம் புது ரேக்குகளின் புண்ணியத்தில் - "ஆங்...பிஸ்டலுக்குப் பிரியாவிடையா ? - 4 தட்டு ! லார்கோவா ? மூணு தட்டு ! கமான்சேயா ? ஒரு நாலரைத் தட்டு" என்று எங்க கணக்கே வேறாகி விட்டது ! ஸேகாரும் சூப்பர்-டூப்பர் ஹிட் என்றாகிய நிலையினில் அன்னாருக்கும் கிட்டக்கவே தட்டுக்களைப் போட்டுத் தந்தாச்சு ! அடுத்த 3 மாதங்களுக்குள் இந்த இத்தாலிய இருவர் நம் கிட்டங்கிக்கு முழுமையாய் விடை தர நேரிட்டால் ஆச்சர்யமே கொள்ள மாட்டேன் ! 

So தீபாவளிக்கு ஆபீசில் போனஸைப் போட்டோமா ? 2023 அட்டவணைக்கான ஆஞ்சநேய வால் நீளத்துப் பதிவை எழுத ஆரம்பிச்சோமா ? என்ற சிந்தனைகளில் கொஞ்சமே கொஞ்சமாய்க் காலாட்டிக் கொண்டிருந்திருக்கலாம் தான் ; moreso - நவம்பர் இதழ்களில் எனது பணிகள் கிட்டத்தட்ட 75% நிறைவுற்றுவிட்டபடியால் ! ஆனால் இந்தாண்டின் இதுவரையிலுமான முழுமைக்கும் பிசியாக இருந்து பழகிய பிற்பாடு, இந்த லாத்தல் ; இந்த சோம்பல் ; இந்த ஒய்வு வித்தியாசமாய்ப்பட்டது ! அரை நாளுக்கு சுதாகர்-கோபியோடு 'கெக்கே பிக்கே' என்று யூ-டியூபில் கழித்துப் பார்த்து விட்டு, அதன் பின்னே அமேசான் ப்ரைமில் சிக்கிய ஒன்றிரண்டு படங்களைப் பார்த்த பிற்பாடு எதை பார்த்தாலும் ரசிக்கவில்லா !! இரவு பத்து மணிக்கெல்லாம் சுவற்றைப் பிறாண்டாத குறை தான் ! சரி, டிசம்பர் பணிகளை முன்கூட்டிப் பார்க்க ஆரம்பிப்போமா ? என்றால் அதிலும் டெட்வுட் டிக் நீங்கலாய் all else is done ! இது இன்னாடா சோதனை ? என்றபடிக்கே மண்டையைச் சொரிந்து கொண்டிருந்த போது தான் அந்த மகா சிந்தனை எழுந்தது ! 

தீபாவளிக்குப் பத்தே தினங்கள் தான் உள்ளன ; ஆனால் அதற்கு முன்பாய் அடித்துப் பிடித்து ஸ்பெஷலாய் திட்டமிட்டு புக் எதையாச்சும் ரெடி செய்து தான் பார்ப்போமா ? என்ன இருந்தாலும் தீபாவளி புலரும் சமயத்துக்கு ஸேகாரும் ; இளம் டெக்ஸும் ஆறிப் போன பணியாரங்களாய்த் தான் தென்படுவர் ! அந்நேரத்துக்குள் சுடச் சுட எதையாச்சும் பரிமாற சாத்தியப்படுமா ? என்று கடிகாரத்தோடும், காலெண்டரோடும் ஒரு போட்டி போட்டுப் பார்ப்போமா ? என்ற கேள்வியே அந்த மகா சிந்தனையின் சாரம் ! பற்றாக்குறைக்கு நவம்பரில் 'தல' தலைக்காட்டப் போவதில்லை எனும் போது அங்குமொரு void விழும் ! So தொடரும் நாட்களில் ஆபீசுக்கே ஒட்டு மொத்தமாய் சீட்களுக்கு அடியில் சின்னதாய் லட்சுமி வெடிகளை பொருத்தி வைத்து, அத்தினி பேரையும் தீபாவளி வரைக்கும் பரபரப்பாக்கித் தான் பார்ப்போமே ! என்ற நினைப்பில் பிறந்தது தான் "தீபாவளி சரவெடி ஸ்பெஷல் 1 & 2 "!! திட்டமிடும் இதழ்களை ஏதாச்சும் ராக்கூத்து அடித்து, வரும் புதன் / வியாழனுக்குள் ரெடி பண்ணி விட்டால், அடுத்த வாரயிறுதிக்கு முன்பாய் உங்களிடம் ஒப்படைத்து விடலாமே என்று நினைத்தேன் - and so here we go !!

தட புடாவென்று ஆபீசுக்கு ஓட்டமெடுத்து "சுடச் சுட என்ன இருக்கு ?" என்று மைதீனிடம் கேட்டேன் - அடையார் ஆனந்த பவனுக்குள் நுழைந்தவனைப் போல ! அவனோ கொஞ்சமாய்த் திருத்திருவென்று முழித்தபடிக்கே பீரோவை உருட்டினான் ! அவனிடத்தினில் வேறு யாராக இருந்திருந்தாலும், "ஆரம்பிச்சுட்டான்யா அடுத்த ஏழரையை !!" என்று மனசுக்குள்ளேயே என்னைக் குமட்டில் குத்த ஆரம்பித்திருப்பார்கள் ! ஆனால் மைதீன் புனித மனிடோவின் நமக்கான பிரத்தியேக ஆக்கம் என்பதால், கொஞ்ச நேரத்தில் பீரோவுக்குள் இருந்த புதுக் கதைகளை மாடியிலுள்ள எனது மேஜையில் அடுக்கித் தள்ளினான் ! சத்தியமாய் இது பீற்றல் அல்ல guys ; ஆனால் அடுத்த ஓராண்டுக்கு கதைகளே வாங்காமல், கையிருப்பைக் கொண்டே ஒரு சந்தாவினை உருவாக்க எண்ணிடும் பட்சத்தில் we are all set !! 

• கார்ட்டூன்கள் வேணுமா ? இருக்கி !!
• கி.நா.வேணுமா ? வண்டி வண்டியாய் இருக்கி !
• புதியவர்கள் வேணுமா ? இக்கடச்சூடு கண்ணா !
• க்ளாஸிக் நாயகர்கள் வேணுமா ? ஒரு தலைவாழை விருந்துக்கே தேவையான சரக்கு இருக்கி ! 

Phew !! எனக்கே லைட்டாக வியர்த்து விட்டது - அங்கேயும், இங்கேயுமாய் புத்தக விழாக்களில் தேற்றிய காசெல்லாம் வங்கியிருப்பில் இல்லாது, இப்படி பீரோவாசத்தில் நாட்களைக் கடத்துகின்றனவே என்று !! தெரியும் தான், நமது கதைக்கையிருப்பு பெரிதென்று - ஆனால் மொத்தமாய் அடுக்கிப் பார்க்கும் போது தான் புலனாகிறது - its just massive என்பது !! இந்தக் கதைகளெல்லாம் "காசு-பணம்-துட்டு-மணி--மணி" என்று நர்த்தனம் ஆடிடும் பட்சத்தில், எந்நேரமும் ஒல்லி-பெல்லியாய் இலியானவைப் போல காட்சி தரும்  நமது வங்கிக் கணக்கானது, சும்மா நவீன அனுஷ்காவைப் போல புஷ்டியாய் இருந்திருப்பது உறுதி ! But மிட்டாய்க்கடைக்குள் நுழையும் பால்வாடிக் குழந்தையின் mindset நமக்கு அகலாத வரைக்கும், ஆபீஸ் ரூம்களில் பீரோக்களும், கிட்டங்கிகளில் ரேக்குகளும் பிரதானமாய் இடம்பிடிப்பது குன்றிடாது தான் ! 

To cut a long story about the stories in hand short - கையில் உள்ள கதைகளுள் டைப்செட்டிங்கும் முடிந்து அச்சுக்குச் செல்ல ரெடியாய் உள்ள கதைகள் எவையென்று filter செய்ய ஆரம்பித்தேன் ! And பிரதானமாய் 'தல' டெக்ஸ் இருந்தால் தேவலாமே என்ற கண்ணோட்டத்திலும் பார்த்தேன் !! டெக்ஸ் க்ளாசிக்ஸ் 3 ஆல்பத்துக்கென - "பாலைவனப் பரலோகம்" பூரணமாய் முடிவுற்றும் ; அதனுடன் வரவிருந்த "ஓநாய் வேட்டை" கதையானது பாதி முடிந்த நிலையிலும் இருக்கக் கண்டேன் ! இரண்டையும் இணைத்து - விளம்பரப்படுத்தியிருந்தது போலவே ஒரே ஹார்ட்கவர் ஆல்பமாய் உருவாக்குவதெனில் சத்தியமாய் பைண்டிங்கிற்கு நேரம் போதவே போதாது என்பது புரிந்தது ! ரைட்டு - சிங்கத்தை சங்கத்தோடு வரச் செய்வதற்குப் பதிலாய், சிங்கிளாய் இறக்கி விட்டால் - தயாரிப்பும் லேசு ; பைண்டிங்கும் சாத்தியப்படக்கூடும் என்று பட்டது ! அப்புறமென்ன - "பாலைவனப் பரலோகம்" ஒரு தனி, முழுவண்ண இதழ் எனத் தீர்மானித்தேன் ! டெக்ஸ் க்ளாசிக்ஸ் 3-க்கென ஏற்கனவே அட்டைப்பட டிசைன் ரெடியாக இருந்தது ; and அதனில் பின்னட்டையில் இடம்பிடித்திருந்தது "பா.ப" ! "பின்னட்டையைத் தூக்கி முன்னுக்குப் போடுங்க ; புதுசாய் ஒரு back cover ரெடி பண்ணுங்க !" என்று காலில் சுடுதண்ணியை ஊற்றிக் கொண்டு நான் பரதம் ஆட, பின்னட்டைக்கென வழக்கம் போல  கதைக்குள்ளிருந்து படங்கள் எடுக்க முனைந்தனர் நம்மாட்கள் ! அப்போது தான் எனக்கு நினைவுக்கு வந்தது - ரொம்பச் சமீபமாய் நண்பர் ஒருவர் நமக்குச் செய்திருந்த உபகாரம் !! டெக்சின் இதழ்களில் அவ்வப்போது வெளியாகும் pinup போஸ்டர்கள் நிறையவே உண்டு & நெட்டில் அவற்றைப் பார்த்திட இயலும் தான் ! அவற்றில் ஒரு கணிசமான எண்ணிக்கையினை நண்பர் சேகரித்தாரா ? அல்லது எங்கேனும் சேகரிப்பாகவே பார்த்தெடுத்தாரா - தெரியலை ; but கிட்டத்தட்ட 150+ டிசைன்களை ஒரு pdf file ஆக நமக்கு அனுப்பியிருந்தார் - ஓசூரைச் சார்ந்த திரு.அகஸ்டின் ! அதனை வேக வேகமாய்ப் புரட்டினேன் and yes - எதிர்பார்த்தது போலவே "பாலைவனப் பரலோகம்" இதழுக்கென போனெல்லி போட்டிருந்த pinup போஸ்டரும் உள்ளுக்குள் இருந்தது ! அப்படியே ஒரு கூடையைப் போட்டுக் கவிழ்த்து அந்த டிசைனை நமது பின்னட்டையாக்கிக் கொண்டோம் ! நன்றி அகஸ்டின் சார் !! And here is the cover :

இரண்டுமே ஒரிஜினல் சித்திரங்கள் - நமது கலர் மேம்படுத்தல்களோடு ! And சூட்டோடு சூடாய், ராவோடு ராவாய், உட்பக்கங்களைப் பிழைத்திருத்தம் போட்டேன் - ஞாயிறன்று அச்சுக்குச் செல்ல வேண்டுமென்ற இலக்கோடு ! And பொன்மனச் செம்மல் எம்.ஜி.ஆர்.போல 'தல' கலரில் சும்மா  டாலடிப்பதை நாள்முழுக்கப் பார்த்துக் கொண்டே இருக்கலாம் போலும் !! அந்த மலைச்சிங்கங்களோடு நம்மவர் மோதும் sequences 27 ஆண்டுகளுக்குப் பின்பாய் நான் மறுக்கா பார்க்கிறேன் - அன்றைய அதே த்ரில்லோடு !! பாருங்களேன் : 

So டைனமைட்டோடு அதகளம் செய்யும் 'தல' தீபாவளியின் ஆரவாரத்துக்குப் பொருத்தமாக இருப்பாரென்று நினைத்தேன் ! And நவம்பர் மாதத்து வெளியீடுகளோடு இந்த டெக்ஸ் இதழையும் சேர்த்துக் கொண்டால், ஏஜெண்ட்களிடமும் நமது சிரம் தப்பும் ! So 'மாதமொரு டெக்ஸ்' என்ற வாக்குறுதிக்கும் அல்வா தராது சமாளித்த திருப்தி எனக்கு !

And "தீபாவளி சரவெடி-2" கூட இன்னொரு இத்தாலிய / போனெல்லி பிரஜையே ! 2021-ல் அறிவிக்கப்பட்டு ; அப்பாலிக்கா வெட்டியான் ஸ்டெர்னுக்கு வழிவிடும் பொருட்டு பின்சீட்டுக்குச் சென்ற CID ராபினின் "நடுநிசி  வேட்டை" ரெடியாய், பிழைத்திருத்தங்களும் செய்யப்பட்டுக் காத்திருந்தது ! அட்றா சக்கை ; ராபினைக் கண்ணில் காட்டியது போலவும் ஆச்சென்று, அவரது black & white சாகசத்தினை டிக் அடித்தேன் ! And இதோ - மின்னல் வேகத்தில் ரெடி செய்த அட்டைப்படமும், ஒரிஜினல் டிஸைனுடன் !!

Black & White-ல் இதோ ராபினின் வழக்கமான க்ரைம் த்ரில்லர் : 

So ரூ.150 + ரூ.80 = ரூ.230 + கூரியருக்கு ரூ.35 = ரூ.265 என்பதே இந்தச் சரவெடியின் package ! வெளி மாநிலமெனில் ரூ.230 + ரூ.60 = ரூ.290 .

வியாழனுக்கு டெஸ்பாட்ச் செய்திடுவோம் என்பதற்கேற்ப நீங்கள் ஆர்டர் செய்திடலாம் guys ; இயன்றவரைக்கும் புதனன்றே அனுப்பிட பிரயத்தனங்கள் செய்வோம் ! Of course - இப்படி நினைத்து நினைத்து இதழ்களை நுழைப்பது எரிச்சல் மூட்டலாம் தான் ; ஆனால் நிலவரங்களுக்கேற்பவே திட்டமிடவும் இயல்கிறது ! ஓராண்டுக்கான அட்டவணை + திட்டமிடலில் இது போன்ற "split second decisions-களுக்கெல்லாம் provision வைப்பது அசாத்தியமாகிறது ! So உங்களின் புரிதலுக்கு முன்கூட்டிய நன்றிகள் guys ! And of course - இரு இதழ்களையும் நீங்கள் தீபாவளிக்கு அப்புறமாயும், தோதுப்படும் பொழுதுகளில் வாங்கிக்கொள்ளலாம் ; நிச்சயமாய் நம்மிடம் ஸ்டாக் இருக்கும் ! 

அப்புறம் இந்த அறிவிப்பு பற்றி நமது front desk க்கு இப்போது வரையிலும் எதுவும் தெரியாது ! நாளை காலையில் சொல்லும் போது அவர்கள் காட்டவுள்ள reactions எவ்விதமிருக்குமென்று இப்போதே எனக்கு யூகிக்க முடிகிறது ! 'ஆட்றா ராமா...தாண்ட்றா ராமா !!' தொடர்கிறது ! 

Bye folks ; see you around !! Have a great weekend !!