ஒரு பண்டிகை..ஒரு பதிவு !!

 நண்பர்களே,

வணக்கம். பண்டிகை தின நல்வாழ்த்துக்கள் ! வீட்டிலும், தொழில்கூடங்களிலும் மகிழ்வும், வெற்றிகளும் தொடர்கதைகளாகிடட்டும் ! இங்கே நம்மிடத்திலோ காலையிலேயே சீக்கிரமாய் வேலை துவங்கியாச்சு ! So தீபாவளி மலரின் வண்ணப் பக்கங்களின் அச்சும், மங்களகர மஞ்சளில் அழகாய் அச்சாகியாச்சு !! விடுமுறைகள் முடிந்தான பின்னே, திங்களன்று black & white பக்கங்களும் பிரிண்ட் ஆகி விட்டால், 'தல' - தீபாவளிக்குத் தயாராகி இருப்பார் ! And இம்முறையுமே இரவுக்கழுகாருக்குச் சமமாய் சின்னக்கழுகாரும் சாகசம் செய்கிறார் !! 

And லக்கி டபுள் ஆல்பத்தில் கிட்டத்தட்ட முக்கால் பங்குப் பணிகள் done !! நடுவே 2022-ன் அட்டவணை ; அதற்கான ஆஞ்சநேய வால் நீளப்பதிவு என்று பிஸியாகிப் போனதால் மொழிபெயர்ப்பினில் ஒரு 25 பக்கங்கள் தொக்கி நிற்கின்றன ! நாளைக்குள் அத்தனையும் பூர்த்தி செய்து விட்டால், காத்திருக்கும் வாரத்தில் ஒல்லியாரும் தன் பங்குக்கு மஞ்சள் இங்கை வாளி வாளியாய் கபளீகரம் செய்திடத் தயாராகி விடுவார் !

நவம்பரில் மூன்றாவது இதழான ட்யூக்கும் தடபுடலாய் தயாராகி வருகிறது ; அநேகமாய் லக்கியின் பிரின்டிங் நிறைவுறும் தருணத்துக்கு ஹெர்மனின் அழகர்களுமே அச்சுக்கூடத்தினில் ஆஜராகியிருப்பர் ! நிஜத்தைச் சொல்வதானால் - காத்துக் கிடக்கும் பணிகளின் பரிமாணங்களைக் கண்டு, கடந்த சில வாரங்களாகவே பேய் முழி முழித்துக் கொண்டே தானிருந்தேன் !! 

** தீபாவளிக்கு முன்பாகவே 3 பெரிய புக்ஸையும் உங்களிடம் ஒப்படைக்க வேண்டுமே என்ற பட படப்பு !

**டிசம்பரின் இதழ்களின் சகலத்துக்கும் பேனா பிடிக்கவுள்ளது நானே என்பதால் அங்கே ஒரு மண்டகப்படிப் பணிகள் வெயிட்டிங் !!

**Muthu # 50-ல் இன்னும் 30% பணிகள் பாக்கி நிற்கும் நெருடல் !!

** And இதன் மத்தியினில் கேட்லாக் 2022 சார்ந்த last minute திட்டமிடல்கள் & பதிவுக்கான முஸ்தீபுகள் & பஞ்சாயத்துக்களுக்கான ஜமுக்காள drycleaning பணிகள் !!!

ஆனால் "அவசரம் ; deadlines நெருங்குகின்றன !!" - என்று மண்டைக்குள் அலாரம் அடிக்கத் துவங்கும் நொடிகளில், விரல்களுக்கு சுறுசுறுப்பும், புத்திக்கு காரிய சித்தியும் புனித மனிடோவின் புண்ணியத்தில் கிட்டி விடுவதை yet again உணர்ந்து வருகிறேன் !! "கொஞ்ச நேரம் IPL பார்ப்போம் ; கொஞ்ச நேரம் மட்டையாகிக்கலாம் ; அப்புறமாய் வேலைகளை பார்த்துக்கலாம்" - என்று டிமிக்கி தந்த பாங்கு நொடிப்பொழுதினில் காணாது போயிட, சுறுசுறுப்பு சுப்புடுவாகி வரிசை கட்டி வேலைகளைப் பந்தாடி வருகிறேன் ! In many ways உங்களின் உற்சாகங்களே எனது சேருக்குக் கீழே ராக்கெட் எரிபொருளாய்ச் செயல்பட்டு வருவதில் எது ரகசியம் ?! ஒரு தூரத்து நாளில் ஈஸிசேரில் அமர்ந்தபடிக்கே, இந்த நாட்களையெல்லாம் அசை போட ஒரு வாய்ப்பை ஆண்டவன் வழங்கினாரெனில் - சத்தியமாய் மலைப்பே மேலோங்கும் பிரதானமாய் !! And that will be because - ஒரு அடிப்படைச் சோம்பேறியை இத்தனை பல்டிக்களை அடிக்கச் செய்து, இத்தனை பணிகளை சாத்தியப்படுத்தியுள்ள உங்கள் ஒவ்வொருவரையும் நினைக்கும் போது தோன்றிடும் பிரமிப்பும், பெருமையுமே காரணமாக இருந்திடும் ! ! 

Anyways, வேலைகளோடு வேலையாய் பதிவையும் போட்டுத் தாக்கிக் கொண்டிருக்கிறேன் ! அநேகமாய் இன்றைக்கு சாயந்திரத்துக்குள் 'சுபம்' போட்டு விடுவேன் என்றே தோன்றுகிறது ! 

So பதிவை எப்போன்னு நீங்க சொல்றான் ; அப்போ நான் டணாலென்று போடறான் !!

And இப்போதைக்கு நிம்பள் கிளம்பறான் ! சீக்கிரமே நெக்ஸ்ட் மீட் பண்றான் ! நீங்கள் சுண்டல்களை அளவோடு சாப்பிடறான் !! Bye all !!