புதுசாய் ஒரு அவதார் !

நண்பர்களே,

வணக்கம். First things first ....! இன்றைய கூரியர்களில் அக்டோபரின் 4 இதழ்களும் உங்களைத் தேடிப் புறப்பட்டு விட்டன ! பொதுவாய் வாரயிறுதிகளில் உங்கள் கைகளுக்குக் கிடைக்கும் விதமாய் பார்சல்களை டெஸ்பாட்ச் செய்வதே நம் வழக்கம் ; ஆனால் போன மாதத்து TEX பைண்டிங்கின் சொதப்பல் இம்முறையும் நிகழ்ந்திடக்கூடாதெனும் முன்ஜாக்கிரதை ஏற்பாடுகளின் பொருட்டு ஒரு நாள் கூடுதலாய் எடுத்துக் கொண்டு விட்டது ! So வெள்ளிக்கிழமைக்கு புக்குகளை அனுப்பிடல் சாத்தியப்படவில்லை ! Anyways வாரத்தின் நடுவே காந்தி ஜெயந்தி விடுமுறை காத்திருப்பதால் பிரச்னை தீர்ந்தது ! 

And இதோ - இம்மாதத்துக் கூட்டணியினில் இதுவரையிலும் உங்கள் கண்களில் காட்டியிரா இதழின் பிரிவியூ !!

பொதுவாய் TEX அட்டைப்படங்கள் என்றாலே கையில் ஒரு பிஸ்டலோடு   'தல'  தெற்காலேயோ ; மேற்காலேயோ திரும்பி நின்றபடிக்கே போஸ் கொடுப்பதே  வாடிக்கை !  சமீபத்தைய இதழ்களுள் 'சர்வமும் நானே' அட்டைப்படம் தான் இதற்கொரு விதிவிலக்காக இருந்ததாய் ஞாபகம் ! இதோ - இம்மாதம் ஆர்ப்பரிக்கும் நதியின் மத்தியில் ஒரு மொக்கைப் படகில் நம்மவர் ஸ்டைலாக நிற்கும் காட்சியே அட்டைப்படமாய் !! And சமீபத்து பழக்கம் இம்முறையும் தொடர்கிறது - ஒரிஜினல் அட்டைப்படத்தையே தக்க வைத்துக் கொண்டு அதனில் வர்ண மெருகூட்டலைச் செய்வதெனும் விதமாய் !! நாம் என்ன தான் 'தம்' கட்டி நம் ஓவியரைக் கொண்டு சித்திரங்களைப் போட்டாலும், ஒரிஜினல் கவர்களின் அங்க அளவுகள் நமக்குப் பிடிபடுவதில்லை ! 'கால் குட்டையாகிப் போச்சு ; கை நீண்டுக்கிச்சு  ; கழுத்தைக் காணோம்' - என்று ஏதாச்சும் ஒரு சொதப்பல் நிகழ்வதுண்டு ! ஆனால் படைப்பாளிகளோ இதனில் துளியும் கோட்டை விடுவதில்லை ; பாருங்களேன் - நமக்கவர் முதுகைக் காட்டிக் கொண்டிருந்தாலுமே - பக்கவாட்டில் முகம் எத்தனை அம்சமாய் வரையப்பட்டுள்ளதென்று !! 

இந்த அட்டைப்படம் சார்ந்ததொரு கொசுறுத் தகவலுமே உண்டு தான் ! 2018 வாக்கில் நமக்கு TEX அட்டைப்பட சித்திரங்கள் போட்டுத் தர இத்தாலிய ஓவியர் ஒருவரை நாம் பயன்படுத்தி வந்தது நினைவிருக்கலாம் ! (டைனமைட் ஸ்பெஷல்  ராப்பர் கூட அவரது ஆக்கமே) நான்கே நாட்களில் மனுஷன் ஒரு டிசைனைப் பூர்த்தி செய்து விடுவார் ! தற்போதைய 'புதைந்து போன புதையல்' இதழுக்கான டிஜிட்டல் கோப்புகள் அப்போதே நம் வசமிருந்ததால் - இந்த டிசைனை சற்றே வித்தியாசமான வர்ணச் சேர்க்கையோடு போட்டுத் தந்திடக் கோரியிருந்தேன் ! அவரும் வழக்கம் போலவே புயல் வேகத்தில் படம் போட்டு அனுப்பியிருந்தார் ! ஆனால் அதன் வர்ணங்கள் ரொம்பவே இருண்டு, டல்லாக இருப்பது போல்ப்பட்டது எனக்கு ! 'சரி...இது நமக்கு ஆகாது !' என்று நினைத்தபடிக்கே அந்த டிசைனை உள்ளே வைத்து விட்டேன் ! தொடர்ந்த நாட்களில் பெரும் சுகவீனம் காரணமாய் ஓவியர் ஓய்வுக்குள் புகுந்திட, நாம் அவரிடம் பணிகளைச் செய்து வாங்கும் வாடிக்கையும் முற்றுப் பெற்றது ! (தற்போது நலமாக உள்ளார் என்பது சந்தோஷச் சேதி !!) ஆபீசில் உள்ள நமது கம்பியூட்டரில் துயிலும் அந்த டிசைன் பற்றிய ஞாபகம் இந்தப் பதிவை டைப் செய்யும் போது தான் நினைவுக்கே வருகிறது என்பதால் இப்போது அதை உங்களுக்குக் கண்ணில் காட்ட இயலவில்லை ! Monday - yes ! அப்புறம் உட்பக்கங்களின் டிரெய்லர் : 

அட்டைப்படத்தோடு தொடர்பு கொண்டதொரு ஆக்ஷன் ப்ளாக் என்ற வகையில், பாருங்களேன் - நம்மவரின் செயல்பாட்டை !! கதையைப் பற்றிச் சொல்வதானால் - கதாசிரியர் கிளாடியோ நிஸ்ஸி  ரகளை செய்திருக்கிறார் - வழக்கம் போலவே !! 

ஹோல்டான்...ஹோல்டான்...!! 

எப்போதும்  போலவே 'தல' தாண்டவத்தைப் பற்றி ; கதைகளின் நெளிவு சுளிவுகளைப் பற்றி ; சித்திரங்களைப் பற்றி - பில்டப் ஸ்ட்ராங்காக தொடரப் போவதை நினைத்தால் எனக்கே கொஞ்சம் கூச்சமாகவுள்ளது ! ஒரு சகாப்தத்தைப் பற்றி எழுத புதுசாய் என்ன தேடுவதோ ? And எத்தினிவாட்டி தான் பில்டப் பரமசிவம் அவதாரோடு சுற்றி வருவது ? So இந்த ஒரு தபா மாத்திரம் கார்சனின் நண்பரை ஆராதிப்போரின் பார்வையில் ஒரு 'பில்ட்டவுண்' ரூபத்தில் முன்னுரையை எழுதினாலென்ன ? என்று நினைத்தேன் !! ஆகையால் உலகத் தொலைக்காட்சிகளில் முதன்முறையாக - இதோ 'பில்ட்டவுண்  பூங்காவனம் ' ஆஜர் !! 

'அது வந்துங்கன்னா - கதை ஆரம்பிச்சுப் போட்றப்போவே கார்சனின் நண்பரும், டெக்சின் நண்பரும் ஒண்ணா ஆஜராகுறாப்படி ! இந்த பின்கர்ட்டன்..பின்கர்ட்டன்ன்னு ஒரு துப்பறியும் ஏஜென்சி இருக்கில்லீங்களா ? அவனுங்க நோகாம நோன்புக்கஞ்சு குடிக்கிறதுக்கோசரம்  கார்சனோட நண்பருக்கு தகவல் சொல்லி அனுப்புறாக ! 'இன்ன மாதிரி...இன்ன மாதிரி...புதையல் மெக்சிக்கோவிலே இந்த இடத்திலே இருக்குங்கண்ணா ; அதை நீங்க லொங்கு லொங்குன்னு காடு - மேடுன்னு அலைஞ்சு தேடிப் புடிச்சுக் கொண்டு வந்தாக்கா  நாங்க ஜிலோன்னு பில்லை போட்டுக் கிழிச்சி முள்ளங்கிப் பத்தையாட்டம் டாலர் நோட்டை வசூலிச்சுப்புடுவோம்லா ?' அப்டின்னு கேக்குறாப்டி !! கார்சனோட நண்பர் தான் நல்லவரு ; வல்லவரு ; நாடே போட்ற்ரவருன்னு அல்லாத்துக்கும் தெரியுமில்லீங்கள்லண்ணா ? அப்புறம் ஒரு தட்டு நிறைய சுக்கா ரோஸ்ட்டைப் பார்த்தாக்கா டெக்சின் நண்பரையும் எமலோகத்துக்கே கூடக் கூட்டிப்போயிடலாம்னு முக்கு வூட்டு  முன்சாமிக்கே தெரியும்ங்கிறப்போ - பின்கர்ட்டன் 'தல'க்குத் தெரியாமப் போகுமா ? ராவுக்குக் கட்டையைக் கிடத்தின பிற்பாடு, கோழி கூவுறச்சே நம்மாளுங்க பயணம் கிளம்பறப்போ ஒரு அம்மணியும் கோர்த்துக்குது !! பின்கர்ட்டன் புள்ளையாண்டான் டாட்டா காட்டிப்புட்டு வூட்டுலே போயி வுட்ட தூக்கத்தைத் தொடரப் போயிடறாப்பிடி  ! 

கதையின்னு ஒண்ணு இருந்தாக்கா - வில்லன்..வில்லன்ன்னு ஒரு சோமாறி இல்லாங்காட்டி கதை சூடு புடிக்காதில்லீங்களாண்ணா ? ஆக அவன் இன்னொரு பக்கம் வேட்டைக்குக் கிளம்ப - நம்மாட்கள் பாப்பா கூடப் பேச்சுக் குடுத்திட்டே எல்லையைக் கடக்குறாப்டி  !! மலைமாடு மாதிரி தடித் தடியான மெக்சிகோ காட்டான்கள் புசு புசு மீசையோட ரகளை பண்ண, கார்சனின் நண்பர் 'ஏக் மார் பந்த்ரா துக்கடா' ஆக்கிப்புட்றாக  !! இதிலே இன்னா ஸ்பெஷாலிட்டின்னா - கதையோட பெரும் பகுதி டிராவல் பண்றது கதைக்கு அங்க அங்க அவசியமாற மனுஷாளோடே தானேகாண்டி - கார்சனின் நண்பரை வம்படியா முன்னுக்கு கூட்டியாந்து நிக்க பண்றதில்லீங்கோ ! மெக்சிகோவில் ரகளை ; திகுடுமுகுடான ஆக்ஷன் ; இவன் காலை அவன் வாற ; அவன் காலை கார்சனின் நண்பர் வாறன்னு கதை சும்மா டவுன்ஹால் லாலா கடை மைசூர்பாகாட்டம் வழுக்கிட்டு ஓடுறாப்படி !! ஓவியர் ஜோஸ் ஆர்டிஸோட சித்திரங்கள்லே கார்சனின் நண்பர் சித்தே பத்தியத்தில இருக்கும் புள்ளையாண்டானாட்டம் தெரியுறது நெசம் தானுங்கோ ; ஆனாக்கா கொள்ளைவாட்டி இந்த ஸ்டைலைப் பார்த்துப் பழகிப் போயிட்டதாலே வித்தியாசமா ஏதும் தெரிலேண்ணா   ! ஒரு கட்டத்திலே மல்லாக்கப் போட்ட கரப்பானாட்டம் கார்சனோட நண்பரும் ; கிட் வில்லரோட மாமாவும் பாலைவனத்திலே கட்டப்பட்டுக் கிடக்க - இங்கனக்குள்ள லைட்டா கண்ணுல தண்ணி வந்திடுச்சுன்னா பாத்துக்கோங்களேன்  !! ஒரு மாதிரி தப்பிச்சு அத்தனை கும்பல்களையும் தொம்சம் பண்ணிப்புட்டு, நட்பூஸ் ரெண்டு பேரும் விடை பெறச்சே கதையிலே வர்ற டுவிஸ்ட் இருக்குங்களேண்ணா - மெய்யாலுமே மெர்சலாகப் போறீக ! அதை அலசி ரவுண்ட் கட்ட இன்னும் ஒரு நாலைஞ்சு நாளிலே  இங்க வரப் போறீகன்னு என்ர மனசு சொல்லுதுங்கணோய் !! ஒரு திருவிழா வெயிட்டிங்கு !! 

ஒரு மழை நாளிலே நிதானமாப் படிச்சு போட்டுப்புட்டு  இங்கே வர்ற வழியைப் பார்த்தீங்கன்னா சிறப்பாயிருக்கும் !! தம்பி இப்போதைக்கு நடையைக் கட்டுறேனுங்க  !! தீபாவளிக்கு வெடி வெடிக்கறதுக்கு முன்னமே  கையிலே தீபாவளி மலரை ஒப்படைக்கணுமில்லீங்களா ?  ட்டாட்டா...பை பை !! வாரகடாசியை ஜமாய்ச்சிடுங்க !! அப்பாலிக்கா பார்க்கலாமுங்க !! 

ஆன்லைன் லிஸ்டிங்குமே ரெடிங்கோ :

http://www.lion-muthucomics.com/home/425-december-2018-pack.html

http://lioncomics.in/monthly-packs/629-march-2015-pack.html