Lion-Muthu Comics

சிங்கத்தின் சிறுவயதில் - 18!

2012-02-24T00:22:00.000+05:30

நண்பர்களே,

ஒரு சரியான கால இடைவேளையில் நமது காமிக்ஸ்கள் வந்திடுவதில்லை என்பதால்.."சிங்கத்தின் சிறுவயதில்" தொடரினை கொஞ்சமாச்சும் முன்னே கொண்டு செல்லுவதற்குள் எனக்குப் பல்செட் மாட்ட வேண்டிய பருவம் வந்திடுமோ என்று தோன்றியது..! ("அதை முன்னே கொண்டு சென்று என்னத்தை சாதிக்க உத்தேசம் ?" என்று கேள்வி கேட்பவர்களுக்கு அடியேனின் பதில் "ஒரு ஞே" முழி தான் )!

18 பாகங்களை எழுதியும் நமது ஆரம்ப காலத்து அனுபவங்கள் - முதல் வருடத்தைத் தாண்டிய பாடைக் காணோம் என்பதால், இந்த வலைப்பதிவு மூலமாகவாது வண்டியை கொஞ்சம் கொஞ்சமாய் நகற்றிடலாமே என்று நினைத்தேன்...!

வரவிருக்கும் லயன் வெளியீடான "எமனின் தூதன் Dr.7 " இதழில் இடம்பெற்றிடும் "சிங்கத்தின் சிறுவயதில்"-பாகம் 18 -ன் அட்வான்ஸ் copy இதோ..!

வழக்கமாய் சொல்லிடும் "Happy Reading Folks" என்று இந்தப் பகுதியினை முடிக்க மாட்டேன்...படித்துப் பார்த்தால் ஏன் என்று புரியும் !

கைவசம் உள்ள முந்தைய இதழ்களின் லிஸ்ட் !

2012-02-23T23:49:00.001+05:30

நண்பர்களே,

இதுவே நமது முந்தைய இதழ்களின் தற்சமய ஸ்டாக் நிலவரம். இவை நீங்கலாக வேறு பழைய வெளியீடுகள் நம்மிடம் இல்லை!

Stock List 2012

இவற்றைப் பெற்றுக் கொள்ள விரும்பும் நண்பர்களின் வசதிக்காக payment details மீண்டும் ஒரு முறை இங்கே கொடுத்துள்ளேன்.

Our Bank Details :

Name of Account : PRAKASH PUBLISHERS

Bankers : TAMILNAD MERCHANTILE BANK Ltd., Sivakasi Branch.

Account Number : 003150050421782

IFS Code : TMBL0000003

Rs.300.க்கு அதிகமான தொகைகளுக்கு மட்டும் வங்கி மூலமாக பணம் அனுப்பிடக் கோருகிறோம்.

அல்லது மணி ஆர்டர் ; டிராப்ட் (Prakash Publishers என்ற பெயரில்) அனுப்பியும் புத்தகங்களைப் பெற்றிடலாம்.

பணம் அனுப்பிய கையோடு : lioncomics@yahoo.com என்ற முகவரிக்கு ஒரு இ-மெயில் மறவாமல் அனுப்பிட வேண்டும்.- உங்கள் முழு முகவரி ; செல் நம்பர்கள் குறிப்பிட்டு !

எங்கள் அலுவலக முகவரி :

8D-5, சேர்மன் PKSAA ஆறுமுக நாடார் ரோடு, அம்மன்கோவில்பட்டி,
சிவகாசி 626189.

phone : 04562-272649 ; 320993. (காலை 9 -30 - மாலை 7 வரை).

Hope this helps !

"தலைவாங்கிக் குரங்கு" -- மீண்டும் !

2012-02-19T09:49:00.001+05:30

நண்பர்களே,

"செய்வதைச் சொல்லுவோம்" என்ற புதிய பாணியை அமலாக்கும் விதத்தில் - இதோ ஒரு குட் நியூஸ் !

முந்தைய லயன் ; திகில் ; மினி-லயன் கதைகளை மறுபதிப்பு செய்வதற்கு உங்களின் அமோக ஆதரவு இருப்பது நிதர்சனமாய்த் தெரிந்திடுவதால் இனியும் ஏன் தாமதிக்கணுமெனத் தோன்றியது !

So - தமிழில் வந்திட்ட first ever டெக்ஸ் வில்லர் சாகசமான "தலைவாங்கிக் குரங்கு" காமிக்ஸ் க்ளாசிக்ஸில் மறுபதிப்பாக வரவிருக்கிறது ! அதுவும் வெகு விரைவிலேயே...இன்றிலிருந்து 3 வாரங்களுக்குள் இதழ் தயாராகி விடும் !

1985 அக்டோபரில் இந்த இதழைத் தயாரித்த போது இதன் வெற்றி பற்றி எனக்கு சிறிதும் சந்தேகம் இருந்திடவில்லை ! ஒரு முழு நீளக் கௌபாய் கதை என்பது இன்றைக்கு நமக்கு no big deal என்ற போதிலும் அந்தப் பிராயத்தில் கௌபாய் கதைகளை ஊறுகாய் போலே ஓரமாய் மட்டுமே பரிமாறுவது வழக்கம் ! ஆனால் என்னைப் பொருத்தவரை டெக்ஸ் வில்லர் ஒரு தோற்க முடியா அசகாய சூரர் ! என் இள வயதுக் கற்பனைகளில் உலா வந்தது முகமூடி வேதாளனும் (Phantom ) ; டெக்ஸ் வில்லரும் மட்டுமே ! எனக்குப் பிடித்த டெக்ஸ் உங்களுக்கும் பிடிக்காமல் போக மாட்டாரென்ற ஒரு அசட்டுத் தைரியத்தில் தான் டெக்ஸ் வில்லரை அறிமுகம் செய்தேன் ..இன்று வரைக்கும் தோல்வி தெரியா நாயகராய் வலம் வந்து கொண்டிருக்கிறார் !

சூப்பர் ஹிட் கதைகளை மட்டுமே மறுபதிப்புச் செய்யவிருப்பதால் இந்தப் புத்தகங்களை என்றைக்கும் ரசிக்கும் தரத்தில் அமைத்திட வேண்டுமென்ற ஆசை எனக்குள் ! ஆகையால் முழுக்க முழுக்க அயல்நாட்டு ஆர்ட் பேப்பரில் ; கனமான அட்டையுடன் இதழ் Rs 25 விலையில் வந்திடும் !

சுமாரான பேப்பரில், வழக்கமான தரத்தில் இதே இதழை வெளியிட்டால் நிச்சயம் விலையினை குறைத்தே fix செய்திட முடியும் தான் ; but இனி வரும் இளைய தலைமுறைகளை சிறிதேனும் நம் பக்கம் இழுக்க நினைத்தால், அதற்குத் தரம் ஒரு அவசியத் தேவை என்று தோன்றுகிறது. ஆகையால் தரத்தில் compromise வேண்டாமே என்று நினைத்தேன்....எனது எண்ணம் சரி தானா guys ?

அதுமட்டும் அல்லாது, தற்சமயம் நமது விற்பனை முறை முழுக்க முழுக்கவே நேரடியாக உங்களை சந்திக்கும் பாணி என்பதால், அச்சிடும் பிரதிகளின் எண்ணிக்கை குறைவே ! So - விலையினை இதன் காரணமாயும் சற்றே அதிகமாகவே வைத்திட வேண்டியதொரு கட்டாயம்...!

மார்ச் 10 -ல் இதழ் விற்பனைக்குக் கிடைக்கும்.

சந்தா Rs.620 செலுத்தியுள்ள நமது வாசகர்களுக்கும் ; நமது அயல்நாட்டு வாசகர்களுக்கும் இந்த இதழ் வழக்கம் போல் அனுப்பி வைக்கப்படும். நமது planning -ல் இல்லாத இதழ் இது என்ற போதிலும் இதற்கெனத் தனியாக மீண்டும் பணம் அனுப்பச் சொல்லி இப்போது தொந்தரவு செய்யப் போவது கிடையாது ; வருஷக் கடைசியில் நினைவூட்டி தேவையான பணத்தை அனுப்பிடச் சொல்லுவோம்.

சந்தாவில் இல்லாத நண்பர்கள் Rs.25 + postage Rs 5 - ஆக மொத்தம் Rs 30 அனுப்பிட வேண்டும்.

தலைவாங்கிக் குரங்கு மறுபதிப்பில் - reprint # 2 எந்தக் கதை என்ற அறிவிப்பும் இருந்திடும். Don't miss out folks !

இன்னொரு வேண்டுகோள் கூட....நமது இதழ்கள் இப்போது அதிகமாய் கடைகளில் கிடைப்பது கிடையாதென்பதால், இந்த இன்டர்நெட் ; வலைப்பதிவுகளில் பரிச்சயம் இல்லாத வாசக நண்பர்களுக்கு நமது வெளியீடுகள் பற்றிச் சொல்லிட அதிகம் வழி இல்லை. So - உங்கள் நட்பு வட்டாரத்தில் உள்ள காமிக்ஸ் ஆர்வலர்களிடம் முடிந்தளவுக்கு நீங்கள் சொல்லிடலாமே - ப்ளீஸ் ? !!

நிழலும் ஒன்றே...நிஜமும் ஒன்றே...!

2012-02-13T17:58:00.001+05:30

போற போக்கில் தினமும் ஒரு பதிவு செய்திடும் அளவுக்கு நான் முன்னேறி விடுவேன் போல் தெரியுது !!

ஆனால் இம்முறை இது ஒரு "விளக்கம் சொல்லும் பதிவு" என்பதால் - வேறு வழி இல்லாமலே இதை போஸ்ட் செய்கிறேன் என்றே சொல்லிட வேண்டும் !

2001 -ல் நாம் வெளியிட்ட சிக் பில் கதையினை நான் "சுட்டு விட்டதாக" நண்பர் பண்ருட்டிசெந்தில் பதிவு செய்ததோடு மட்டுமல்லாது எனக்கு அது பற்றி மெயில் அனுப்பி இருப்பதாகவும் இங்கே எழுதி இருந்தார். தனிப்பட்ட முறையில் சந்தேகம் எழுப்பி இருந்தால் அதற்கான பதிலை அவருக்கு மட்டும் எழுதி இருந்திருப்பேன்....ஆனால் public forum -ல் சர்ச்சையை கிளப்பி விட்டதால் எனது பதிலையும் பொதுப் பார்வைக்குக் கொண்டு வர வேண்டியதாகிறது ! Hence this post !

"நிஜம் ஒன்று, நிழல் 2" கதை தான் அந்த சர்ச்சைக்குரிய (!!) இதழ். ஒரிஜினல் ஓவியங்கள் சிறப்பாக இருக்கும் போது நான் லோக்கல் ஓவியர்களைக் கொண்டு சஸ்தாவாக ஒரு உல்டா செய்து விட்டதாக செந்திலின் குற்றச்சாட்டு.

இந்த உல்டா வேலையினை செய்தது நானல்ல...ஒரிஜினல் பெல்ஜியப் பதிப்பகத்தினரே என்று சொன்னால் செந்தில் நம்பிடப் போகிறாரா என்ன ?!! So - இதோ உங்கள் முன்னே facts :

பெல்ஜியத்தில் வெளிவந்து கொண்டிருந்த TinTin என்ற காமிக்ஸ் இதழில் July 18, 1957 -ல் தான் முதல் முறையாக "Le Deux Visages De Kid Ordinn" என்ற பெயரில் இந்தக் கதை வெளியானது. இதோ அந்த இதழின் அட்டைப்படமும் ; கதையின் முதல் பக்கமும் ! அதனைத் தொடர்ந்து இருப்பது நமது லயனில் வந்திட்ட இந்தக் கதையின் முதல் பக்கமும் கூட !

புராதன ஓவியப் பாணியில் வெளியான முந்தைய வெளியீடுகளில் சிலவற்றை - 1970 களில் மறுபதிப்பு செய்ய அந்த நிறுவனம் நினைத்த போது, சித்திரங்களை மெருகூட்டி ; கதைப் பாணியில் லேசு லேசாக improvements செய்து திரும்பவும் அதே தலைப்புடன் வெளியிட்டனர்.

இதோ புதிய அட்டைப்படம் ப்ளஸ் புதுப் பாணியிலான முதல் பக்கம் !

இந்தக் கதைக்கான ராயல்டி செலுத்தி artwork அனுப்பக் கோரிய போது, பதிப்பகத்தினர் நமக்கு அனுப்பியது ஒரிஜினலாக 1957 -ல் உருவாக்கப்பட்ட சித்திரங்களையே ! கடைசி நிமிஷத்தில் பணம் அனுப்பி விட்டு கதைக்காகக் காத்திருந்ததால் இந்தப் பழைய படங்களைத் திரும்ப அனுப்பிப் புதிய சித்திரங்களைப் பெற்றிட அவகாசம் இருக்கவில்லை. So அந்தப் பழைய பாணி ஓவியங்களோடு நமது இதழ் உருவானது !

நண்பர் செந்தில் பார்த்திருக்கும் புக் புதிய version மட்டுமே என்பதில் சந்தேகமில்லை. So அவருக்குள் சந்தேகம் கொழுந்து விட்டதிலும் ஆச்சர்யம் இல்லை தான் ! தொடர்ந்தது தான் நண்பரது enquiry படலம் ; 'ராயல்டி கட்டாமல் உல்டா' என்ற குற்றச்சாட்டு ; கொலைவெறி ஏன் ? என்ற கேள்வியோடு !!

எந்த ஒரு விஷயத்துக்கும் இரு பக்கங்கள் இருக்க வாய்ப்புண்டு என்ற consideration நண்பருக்கு இல்லாததும் ; என் தரப்பு நிஜங்களை முன்வைக்க சந்தர்ப்பம் தராமலே "உண்மை என்ன ?" என்று கேள்வி எழுப்புவதும் - தீர்ப்பை முதலிலேயே எழுதி முடித்து விட்டு சம்பிரதாயத்துக்காக வாதங்களைக் கேட்பது போல் உள்ளது ! இப்போதாவது என்னை முகமூடித் திருடன் range -க்குப் பார்த்திடாமல் இருந்தால் சந்தோஷமே !

நிஜமும் ஒன்றே..நிழலும் ஒன்றே..!

எல்லைகள் தாண்டுவோமா ?

2012-02-12T14:49:00.000+05:30

ஒரு மார்க்கமான தலைப்பாக இருக்குதே என்று சிந்திக்கும் நண்பர்களுக்கு: No fears ...read on please !

வெளிநாடுகளுக்குப் பயணம் ஆகும் போது, கிடைக்கும் சந்தர்ப்பங்களில் ஆங்காங்கே உள்ள காமிக்ஸ் கடைகளுக்குச் செல்வது என்பது சுவாரஸ்யமான விஷயம் எனக்கு..! But கொஞ்ச காலமாய் அதற்கு அவ்வளவாய் வாய்ப்புகள் அமைந்திடவில்லை. So சமீபத்தில் அமெரிக்கா சென்றிருந்த போது தேடித் பிடித்து பெரியதொரு காமிக்ஸ் shop -க்குப் போயிருந்தேன் ...!

"கிழிஞ்சது கிருஷ்ணகிரி ... இன்னொரு அமெரிக்க புராணமா..?" என்று தலையைச் சொரியும் ; புருவங்களை உயர்த்தும் நண்பர்களுக்கு ஆறுதலான சேதி...! இது முழுக்க முழுக்க காமிக்ஸ் பற்றிய பதிவு மட்டுமே !!

ரொம்ப காலமாய் எனக்குள் உள்ள கேள்வி இது...! (அது என்னவென்று கேட்கிறீர்களா....? இந்தப் பதிவின் இறுதி வரைப் பொறுமையாய் படித்திட்டால் தெரிந்திடும் !)

காமிக்ஸ் எனும் ரசனைக்குப் பல முகங்கள் உள்ளன ... ! நமது ரசனை என்பது ரொம்பத் தெளிவு :

1 நமது முதல் எதிர்பார்ப்பு - ஸ்பஷ்டமான ; தெளிவான கதையோட்டம். அவ்வப்போது XIII ; மர்ம மனிதன் மார்டின் போன்ற தொடர்களுக்கு வேண்டுமானால் இந்தக் condition தளர்த்திக்கலாம் !

2 .வலுவான ஒரு ஹீரோ / ஹீரோயின் ! சில சமயம் "வலுவான" என்னும் இடத்தில "ப்ரியம் காட்டக் கூடிய " ஆசாமிகளுக்கும் இடம் உண்டு தான் ! உதாரணம் : அடிபட்டு..உதைபட்டு..சராசரி மனுஷனாய் காட்டிலும் மேட்டிலும் உலவும் நமது கேப்டன் Tiger!

3 தரமான சித்திரங்கள்..artwork ....! (இதுக்கும் விதிவிலக்குகள் இல்லாமல் இல்லை...கேப்டன் பிரின்ஸ் கதைகளை மறக்க முடியுமா !!)

4 ஓரளவுக்காச்சும் logic !! (கரண்டில் கை விட்டு மாயமாய் மறையும் மாயாவி கதைகளையும் ; spider கதைகளையும் அடுத்த இதழாக வெளியிடவிருக்கும் நேரத்தில் லாஜிக் பற்றிப் பேசுரதுலாம் ரொம்ப ஓவர் என்ற உங்கள் mind voice எனக்குக் கேட்காமல் இல்லை !!)

மேற்சொன்ன எந்த ஒரு விஷயத்திலும் அடங்கிடாமல் ...எந்த ஒரு விதத்திலும் நம் ரசனைக்கு ஒத்துப் போகாத ஓராயிரம் காமிக்ஸ்களை அந்த அமெரிக்கப் புத்தகக் கடையில் பார்த்த போது பேந்தப் பேந்த முழிக்க மட்டுமே தோன்றியது எனக்கு .

"அந்த man "...."இந்த man " என்று எக்கச்சக்கமாய் சூப்பர் ஹீரோ தொடர்கள் ! அட்டகாசமான அட்டைப்படங்கள்....அமர்க்களமான விளம்பரங்கள்..promotions ...நல்ல artwork ..!ஆனால் ரெண்டு பக்கத்தைத் தாண்டி மூன்றாவது பக்கத்துக்குப் போவதற்குள் ஏதோ போன வாரத்தில் செய்த போண்டாவை சாப்பிட முயற்சிப்பது போன்ற உணர்வைத் தடுத்திட முடியவில்லை !

அந்த கணத்தில் 1990 களில் BATMAN கதைகளை நாம் வெளியிட்ட சமயம் கூட...ஒரு இதழுக்கான கதையைத் தேர்வு செய்திட நான் எத்தனை DC Comics இதழ்களைப் புரட்டி இருப்பேன் என்பது என் மண்டைக்குள் flashback ஆக ஓடியது ! சாம்பிள்கள் எத்தனை கேட்டாலும் முகம் சுளிக்காமல் அனுப்பிட்ட DC காமிக்ஸ்-ன் archives இன்-சார்ஜ் Mrs .Phillis Hume -க்கும் மானசீகமாய் ஒரு நன்றியும் சொல்லத் தோன்றியது ! கிட்டத்தட்ட 50 கதைகளைப் படித்து..அதிலிருந்து ஒன்றைத் தேற்றி..அதிலும் லேசு பாசாக எடிட்டிங் செய்து தான் வெளியிடுவோம். ("சிரித்துக் கொல்ல வேண்டும்" - ஒரு அற்புதமான விதிவிலக்கு!!)

பிற காமிக்ஸ் படைப்புகளை மட்டம் தட்டிடுவதோ ..நமது ரசனைகளை உயர்த்திப் பிடிப்பதோ எனது நோக்கமே அல்ல..நம்மால் ஏன் ஒரு வட்டத்தைத் தாண்டி பலதரப்பட்ட ரசனையினை அரவணைத்திட முடியவில்லை என்பதே என் மண்டைக்குள் ஓடிய கேள்வி !

இந்த சமாச்சாரத்தை..இந்தக் கேள்வியினை இப்போது எழுப்பிட வேண்டிய அவசியம் என்னவென்று தோன்றலாம் உங்களுக்கு...! காரணம் இல்லாமல் இல்லை...!

சமீபத்திய நமது ComeBack ஸ்பெஷல் இதழில் முழு வண்ணத்தில் அட்டகாசமாய் வந்திருந்த லக்கி லூக் கதைக்கு வந்திருந்த சில விமர்சனங்கள் eyeopener ரகம் என்றே சொல்ல வேண்டும். "அற்புதமாய் வண்ணத்தில் வந்திருந்தாலும், இதுவரை வந்ததிலேயே படு மட்டமான லக்கி லூக் கதை இது தான்" என்று எழுதி இருந்தார்கள் நம் நண்பர்கள்.

லக்கி லூக் தொடர்களில் மிக சமீபத்திய ஆக்கம் "ஒற்றர்கள் ஓராயிரம்" என்ற பெயரில் நாம் வெளியிட்ட இந்தக் கதை ! இதன் ஆங்கில மொழிபெயர்ப்பைப் படித்த போதே இது "ஆஹா .ஓஹோ" ரகமல்ல என்பது தெரிந்தது. But still "சொதப்பல்..படு மட்டம்" என்று மார்க் வாங்கும் அளவுக்குப் போகும் என்பது நான் எதிர்ப்பார்த்திடா சமாசாரம். Maybe வண்ணத்திலும், தரமான அச்சிலும் நானும் மயங்கிட்டேன் என்று தான் சொல்ல வேண்டும். அனால், நமது வாசகர்களோ எப்போதும் போலவே படு உஷார்!!

இத்தனை நுணுக்கமாய் நமது ரசனை இருப்பது ஒரு பக்கம் சந்தோஷமாய் உள்ளபோதிலும் ...மறுபக்கம் நமது discerning taste இன்னும் நிறைய விதமான காமிக்ஸ்களை ; மாறுபட்ட கதைகளை ...ரசனைகளை பரிச்சயப்படுத்திக் கொள்ளத் தடையாக இருக்குமோ என்றும் எண்ணம் எழாமல் இல்லை !

ஒரு சின்ன உதாரணம் சொல்ல வேண்டுமெனில்..ஐரோப்பாவில் Thorgal எனும் ஒரு பிரெஞ்சுத் தொடர் ரொம்பவே பிரசித்தம். ஒவ்வொரு இதழும் ஆறு லட்சம் பிரதிகள் அச்சாகும் என்று அதன் publisher சொன்ன போது நான் "ஞே" என்று தான் முழித்தேன்..ஏனெனில் அது ஒரு வித science -fiction ; history ; மாயாஜாலம் கலந்த கலவை...நமக்குப் பொருந்தாத கதைகள் லிஸ்டில் அதற்கும் நான் இடம் கொடுத்துள்ளேன்.

பிரசித்தி பெற்ற எழுத்தாளர் Van Hamme-ன் படைப்பு இந்த Thorgal என்பதைக் குறிப்பிட்டாக வேண்டும் ! அங்கே பெரும் வெற்றி பெற்ற ; ஆனால் நம் வழக்கமான ரசனைக்கு அப்பாற்பட்ட ; இன்னும் நாம் எட்டிப் பிடிக்கா கதைகள்..தொடர்கள் ஏராளம் உண்டு !

அந்த அமெரிக்க புத்தகக் கடலில் மண்டையை சொறிந்து கொண்டு நின்ற கணத்தில் என்னுள் இந்த சிந்தனைகள் எழுந்தன !

கௌபாய் ; detective ; கார்ட்டூன் ரசனைகளைத் தாண்டி நமது எல்லைகளை விரிக்கும் முயற்சிக்குப் பிள்ளையார் சுழி போடும் சமயம் எப்போதென்ற கேள்வி தான் இந்தப் பகுதியின் ஆரம்பத்தில் நான் குறிப்பிட்ட கேள்வி !

Give it some thought guys !!

For our Sri Lankan friends....

2012-02-12T07:11:00.000+05:30

Thanks guys for your posts and e-mails. Your passion for comics is truly very special.

Here is some basic info to help you get our books :

We have back issues (an assortment of around 90+ books) and the cost works out to INR.1100. To ship this entire collection by courier to Sri Lanka will cost Rs.3800. (Surprisingly courier works out cheaper on bulk packages). So the total you need to send will be Rs.4900.

Our annual subscription is INR.620 and cost of air-mailing them would be INR.2400 ; so the total cost of annual subscription is INR 3020.

You can send payment by online bank transfer or by Western Union. Our Bank info is already posted in this bog under "Our Bank info & General stuff". Once you have sent payment, please send an e-mail in confirmation to : lioncomics@yahoo.com

I know the cost of shipping is quite high ; but until we get a distributor in Sri Lanka I guess this is the only option for the moment ! Thanks again !

படித்ததில் பிடித்தது எது ?

2012-02-09T08:35:00.000+05:30

நண்பர்களே,

மாயாவி ; லாரன்ஸ் / டேவிட் ; ஜானி நீரோ கதைகளைத் திரும்பத் திரும்ப மறுபதிப்புச் செய்கிறீர்களே ; நமது (பழைய ) லயன் காமிக்ஸ் ; திகில் ; மினி-லயன் வரிசையில் வந்த 'ஹிட்' கதைகளையும் reprint செய்தாலென்ன என்பது சமீபத்தில் சந்தித்த வாசக நண்பரின் கேள்வி ... ! நிதானமாய் யோசித்த போது இந்த எண்ணத்தில் merit இல்லாமல் இல்லை என்றே தோன்றியது..!

இது பற்றி உங்களது opinions என்னவென்று தெரிந்திட ஆவல்...! வரவிருக்கும் லயன் hotline பகுதியிலும் இந்தக் கேள்வியை முன்வைக்கலாமென்று நினைக்கிறன்...!

அப்படி மறுபதிப்பு செய்வதென்றால்...உங்களது Top Ten தேர்வுகள் எந்தக் கதைகளாக இருக்கும் ? காலத்தில் பின்னோக்கிப் பயணமாகி ; பழைய நினைவுகளைத் தட்டி எழுப்புங்களேன்..?

பழசை கிண்டிய போது கையில் கிடைத்த முந்தைய இதழ்களின் சில அட்டைப் படங்கள் தானே தவிர, இவை எனது தேர்வுகள் என்று எடுத்துக் கொள்ள வேண்டாம் நண்பர்களே !

"கத்தி முனையில் மாடஸ்டி" புக்கை கையில் எடுக்கும் போது ஆட்டோகிராப் பட சேரன் மாதிரி ஒரு பீலிங் !

தெரிந்த முத்து காமிக்ஸ் ..தெரியாத தகவல் !

2012-01-26T13:10:00.000+05:30

விடுமுறையில் இன்னுமொரு mini பதிவு..!

உங்கள் அபிமான முத்து காமிக்ஸின் ஆரம்ப இதழ்களில் ஒரு சில, பிற தென்னிந்திய மொழிகளிலும் வெளிவந்ததுள்ளன..!

மலையாளம், தெலுங்கு, கன்னடம் ஆகியவற்றில் வந்திட்ட பிரதிகளின் அட்டைப்படங்கள் இதோ !

ஜாங்கிரியை பிய்த்துப் போட்டது போல் தோற்றமளிக்கும் எழுத்துக்களில் எவை எந்த மொழி என்பதை நீங்களே கண்டு புடிக்க முயற்சிக்கலாம் !

இரும்புக்கை மாயாவி; பாம்புத் தீவு ; Flight 731 இதழ்களின் அட்டைகள் இவை என்பதை நான் சொல்லவும் வேண்டுமா என்ன ? !!

ஒரு விடுமுறை நாள் படலம்..!

2012-01-26T12:43:00.000+05:30

நண்பர்களே,

குடியரசு தின விடுமுறையில் , "மல்லாக்கப் படுத்து விட்டத்தைப் பார்க்கும் ஆராய்ச்சிப் படலம்" நடந்தேறிடும் சமயம் எங்கெங்கோ என் நினைவுகள் ஓடின.....! நமது காமிக்ஸ் பற்றி...பழைய வெளியீடுகள் பற்றி .. பழைய கதைதொடர்கள் பற்றி...random thoughts ... !

பழசை அசை போடுவதிலும் ஒரு விதமான குஷி உண்டு தானே..?!

'அந்த சிந்தனைகளையே ; எண்ணங்களையே ஒரு பதிவாக்கினால் என்ன ?' என்று தோன்றியது..! அதன் பலனே வரலாற்றுச் சிறப்புமிக்க இந்த MPVPAP -பாகம் 1 !

நிறைய காமிக்ஸ் இதழ்கள்..'ஹிட்" கதைகள்...பலதரப்பட்ட ரசனைகளில் காமிக்ஸ்கள் என்று நாம் பயணித்துள்ளோம் .! But 1990 களின் மத்தியில் "திகில் லைப்ரரி" என்ற பெயரில் ஒரு விதமான 'பாதி நாவல் - பாதி காமிக்ஸ்' முயற்சி ஒன்றினை நாம் மேற்கொண்டது எத்தனை பேருக்கு நினைவுள்ளதோ தெரியாது...! ஆனால் இன்னமும் 'பளிச் ' என்று என் நினைவில் நிழலாடும் இதழ்களில் அதுவும் ஒன்று என்று சொல்வேன் ! இதோ...திகில் லைப்ரரி- இதழ் 2 பற்றிய ஒரு மினி flashback !

ஒரு வட்டத்துக்குள் சிக்கிடாமல் கொஞ்சமாச்சும் காமிக்ஸ் தாண்டியதொரு ரசனைக்குள் கால் பதித்திட வேண்டுமென எனக்குள்ளே ஒரு காய்ச்சல் இருந்திட்ட சமயம் அது...! தமிழ் புத்தக மார்க்கெட்டில் நிறைய நாவல்கள் வந்து கொண்டிருந்தன அப்போது..! பத்தோடு பதினொன்றாக இல்லாமல், ஆங்கிலத்தில் வந்திட்ட பிரபல crime நாவல் தொடர்களை தமிழில் செய்திட்டால் என்னவென்று நினைத்தேன்...!

சின்ன வயதில் பிரபல எழுத்தாளரான Erle Stanley Gardner -ன் Perry Mason கதைகளின் பெரிய ரசிகன் நான்...! இந்தக் கதைவரிசையில் ஏராளமான த்ரில்லர்கள் உண்டென்பதால் இவற்றிற்கான தமிழ் உரிமைகளைப் பெற்றிட முயற்சி செய்தேன். அமெரிக்காவில் உள்ள Random House என்ற நிறுவனத்தில் இதற்கான rights இருந்திட்டதால் அவர்களோடு மல்லுக்கட்டி உரிமைகளை வாங்கிட்டேன். சர்வதேச அரங்கில் வெற்றி பெற்றதொரு நாவல் என்பதால் அவர்கள் கேட்ட ராயல்டி தொகை ரொம்பவே அதிகம் ; so கொஞ்சம் முன்ஜாக்கிரதையாக ஒரே ஒரு கதைக்கு மட்டுமே பணம் அனுப்பி இருந்தேன். அந்தக் கதை தான் திகில் லைப்ரரி - Volume 1 ! எக்கச்சக்கமாய் மண்டையை கசக்கி, முடிந்தளவு சுவாரஸ்யமாக மொழிநடையை அமைத்து, இடையிடையே கொஞ்சம் சித்திரங்களையும் சேர்த்திட்டு ஒரு சுபயோக சுபதினத்தில் இதழினை வெளியிட்டோம். "சொதப்பல்" என்று சொல்ல முடியாது...பட் "சூப்பர்" என்றும் சொல்ல இயலா ஒரு விதமான mild response .... !

'ஒரு முழு நீள நாவல் ' என்ற முயற்சி ஆரம்பத்திலேயே தள்ளாட ... இருக்கவே இருக்கு நமது காமிக்ஸ் கலவை என்று இதழ் # 2 பணியினைத் தொடங்கினேன்...இம்முறை எக்கச்சக்கமாய் பணம் அனுப்பி இன்னொரு அயல்நாட்டு உரிமையினைப் பெறும் ஜோலியே வேண்டாம் என்ற முடிவில், evergreen detective ஷெர்லோக் ஹோம்ஸ் நாவல்களில் ஒன்றை தேர்ந்தெடுத்து தமிழில் மொழிமாற்றம் செய்திட்டோம்.

"The Adventure of The Lion 's Mane " என்ற கதை அது ! கடலோரம் மர்மமாய், கோரமாய் மரணம் நிகழ்ந்திட ஹோம்ஸ் துப்பறிய முனைகிறார். வழக்கமாய் நாம் சந்திக்கும் ஒரு வில்லன் இந்தக் கதையில் கிடையாது...! கடலில் வசிக்கும் ஒரு விஷ ஜந்து தான் கொலையாளி ! 'சியானியா' என்ற இந்த கொலைகார ஜந்துவை ஹோம்ஸ் காலி செய்வதோடு இந்த குறு நாவலும் நிறைவு பெறுகிறது.

காமிக்ஸ் ஊறுகாய் சேர்த்திட 'புயல் ராத்திரி" என்று ஒரு திகில் சிறுகதை இந்த இதழின் முதல் பக்கங்களில் வந்திட்டது. எனக்கு மிகவும் பிடித்த சிறுகதைகளில் இதுவும் ஒன்று ! ஒரு தந்தையும் இளம் மகனும் பனியில் மீன்பிடிக்க ஒரு இரவில் செல்கின்றனர்...போகும் வழியில் , இருளில் ஒரு முதியவர் தன படகைத் தேடி செல்வதாக புலம்பிக் கொண்டே போவதை சிறுவன் கவனிக்கிறான். அவருக்கு உதவியாக இருக்கட்டுமே என்று பரிவோடு தங்கள் விளக்கை சிறுவன் அந்தக் கிழவரிடம் தந்து விட்டுப் போகிறான். இரவில், திடீரென புயல் வீச, தந்தையும் மகனும் ஒரு பனித் திட்டில் சிக்கிக் கொள்கின்றனர் ! மரணம் நிச்சயம் என்று கதிகலங்கிக் கிடக்கும் சமயத்தில் கடலோரமிருந்ததொரு பாழடைந்த கலங்கரை விளக்கிலிருந்து அதே முதியவர் வந்து ஒத்தாசை செய்கிறார் ! இரவில், குளிரில் சிறுவனுக்கு ஜுரம் தீயாய் அடிக்க பையனை அந்தப் புயலிலும் முதியவர் படகில் ஏற்றிச் சென்று கரை சேர்த்து காப்பாற்றுகிறார். விடியும் பொது சிறுவனின் தந்தை அந்த முதியவர் யாரென்று விசாரித்திட, அவர் ௫௦ ஆண்டுகள் முன்னே அந்த லைட் ஹவுசில் பணி புரிந்து, புயலில் மாண்டு போனவர் என்பது புலப்படுகிறது ! கருணை கொண்ட சிறுவனை காப்பாற்றிட வந்ததொரு ஆவியா ?? யார் அவர் ? என்ற கேள்வியோடு முடியும் touching story இது !

கறுப்புக் கிழவியின் "என்றும் நடிகன்" + "காலக் கடலில் ஒரு பயணம்" என்று 2 அற்புதமான திகில் த்ரில்லர்கள் காமிக்ஸ் கோட்டாவை நிறைவு செய்கின்றன..!

அப்புறமாக - திகில் நிஜ சம்பவங்களை விவரிக்கும் இரண்டு கட்டுரைகளும் இந்த இதழில் இடம் பெற்றிருந்தன..! "ஒரு ஆவி அறிக்கை" என்ற பெயரில், 1882 -ல் ஒரு வீட்டில் நடந்த அமானுஷ்ய சம்பவங்களின் துல்லியமான பதிவைப் பற்றியும் ; "கேமரா பொய் சொல்லுமா ? " என்றதொரு கட்டுரையில் உலகில் ஆங்காங்கே எடுக்கப்பட்ட சில "ஆவி" ரூபங்களின் புகைப்படங்கள் பற்றியும் எழுதி இருந்தேன். இன்டர்நெட் ; சுலப research என்பதெல்லாம் இல்லாத அந்த சமயம் நிறைய ஆவி ; அமானுஷ்யம் பற்றிய புத்தகங்களை மும்முரமாய்ப் படித்து எழுதிய சமாச்சாரங்கள் அவை !

மொத்தத்தில் 'பிரமாதம்' என்று சொல்லும் ரகத்தில் இதழ் அமையவில்லை என்ற போதிலும் "மோசம் இல்லை" என்றே எனக்குத் தோன்றியது..! எக்கச்சக்கமான நம்பிக்கையோடு இதழினை விற்பனைக்கு அனுப்பினோம் ... ! but - 'விற்பனை மந்தம்' என்பதே வந்திட்ட பதில்!

'இனி ஆணியே புடுங்க வேண்டாம்' என்று அந்த "நாவல்" முயற்சிக்கு ஒரு சலாம் போட்டேன்! தெரிந்ததை மட்டுமே செய்தால் முதுகு தப்பிக்கும் ; இந்த உட்டலாகுடி வேலையெல்லாம் நமக்கு ஆகாது என்ற தீர்மானத்துக்கு வந்தேன்...! But still எப்போவாச்சும் திகில் லைப்ரரி இதழ்களை எடுத்துப் பார்க்கும் போது "இன்னும் கொஞ்சம் விடாமுயற்சி செய்திருக்கலாமோ?" ன்னு தோணும்..! ஹ்ம்ம்ம் !

Our Bank info and some general stuff!

2012-01-24T22:34:00.000+05:30

Hi folks,

Here's some general info :

Our Bank Details :

Name of Account : PRAKASH PUBLISHERS

Bankers : TAMILNAD MERCHANTILE BANK Ltd., Sivakasi Branch.

Account Number : 003150050421782

IFS Code : TMBL0000003

You can make online transfers for payments in excess of Rs.300.

விண்ணில் ஒரு குள்ள நரி....!

2012-01-21T13:52:00.000+05:30

நண்பர்களே,

முத்து காமிக்ஸ் புதிய வெளியீடான "விண்ணில் ஒரு குள்ள நரி" தயார் !

விங்-கமான்டர் ஜார்ஜ் & ஏஜெண்ட் ரோஜர் மூர் கதைகள் கொண்ட Rs 10 விலையிலான இதழ் இது .. ! கொஞ்ச காலத்துக்கு இனி இந்த 1960 's நாயகர்கள் நம் இதழ்களில் தலை காட்டப் போவதில்லை என்பதால், இது ஒரு farewell என்று கூட சொல்லலாம் !

Comeback ஸ்பெஷல் ; கொலைகாரக் கலைஞன் ; விண்ணில் ஒரு குள்ளநரி - ஆக மொத்தம் 3 இதழ்களையும் ஆர்டர் செய்திட வேண்டுமெனில் Rs .160 அனுப்பிட்டால் கூரியர் மூலம் புக்ஸ் வீடு தேடி வந்திடும்.

அல்லது Rs .620 சந்தா கட்டினால், 2012 -இல் வரவிருக்கும் நமது எல்லா இதழ்களும் உங்களைத் தேடி வரும் !

Happy reading !

XIII - The Adventure Continues. .....

2012-01-15T23:38:00.000+05:30

உஷார்..சற்றே நீளமானதொரு பதிவு !!

2012-01-15T01:15:00.000+05:30

நண்பர்களே,

சென்னை புத்தகக் கண்காட்சியில் இந்தாண்டு நமது காமிக்ஸ்களை display செய்திட முடிவெடுத்த போது பெரியதொரு எதிர்பார்ப்பெல்லாம் கிடையாது..... விற்பனை ஆகிறதோ இல்லியோ, கொஞ்சமாவது ஒரு exposure கிடைக்குமே என்ற நம்பிக்கை மட்டுமே என்னுள்.அதுவும் இன்னொரு பதிப்பகத்துடன் ஸ்டால் பகிர்ந்து கொள்வதால், எவ்வளவு பிரதிகள் அங்கே எடுத்துச் செல்வது...எவ்வளவு விற்பனை ஆகும் என்றெல்லாம் சுத்தமாய் ஒரு கணக்கும் போடத் தெரியவில்லை என்பதே நிஜம்...!

முதல் நாள் 4600 ரூபாய் collection என்ற போது ,'சரி ...இது தான் ஒரு விற்பனை அளவுகோல் போல' என்று மனசுக்குள் சொல்லிக் கொண்டேன் !

ஆனால்.........

தொடர்ந்திட்ட நாட்களில் நீங்கள் காட்டிட்ட வரவேற்பு எங்களது wildest imaginationக்கும் அப்பாற்பட்டது !! அப்படியொரு ஆத்மார்த்தமான ; உற்சாகமான, துள்ளலான வரவேற்பு !

ஒவ்வொரு இரவும் நமது பணியாளர்கள் சொல்லும் 'கல்லாப்பெட்டி கணக்கை' விட, நான் மிக ஆவலாய் கேட்டிடுவது அன்றைய தினம் வந்திட்ட வாசக நண்பர்களின் பட்டியலை ...அவர்களது எண்ணங்களைப் பற்றியே !!

நம்மிடையே இருப்பது 'ஒரு பதிப்பகம்.....அதன் வாசகர்கள்' என்ற சராசரி உறவுச் சங்கிலி அல்ல என்பது எனக்கு முன்பே தெரியும் தான்..!ஆனால் கடந்த 10 நாட்களாய், அகன்ற விழிகளோடு நாங்கள் அனுபவித்து வரும் வெறித்தனமான இந்த அன்பு மழையை விவரித்திட, நான் கற்ற தமிழில் வார்த்தைகள் இல்லை !

"Thanks everybody " என்று கூலாக ஒரு கும்பிடு போட்டு விட்டு அடுத்த வேலையைப் பார்க்க நான் கிளம்பி விட்டால், 'ஆயுசுக்கும் தூர்தர்ஷன் டப்பிங் சீரியல்களைப் பார்க்கக் கடவது' என்ற தண்டனையை விட பாடாவதியான தண்டனைக்கு நான் தகுதியானவன் ஆகிடுவேன்...!!

So எங்களது நன்றிகளை வார்த்தைகளில் மட்டும் அல்லாது, செயலிலும் காட்டிடுவதே எனக்குத் தெரியும் ஒரே வழி...!!

இந்த 2012 ஐ நம் காமிக்ஸ் பயணத்தில் ஒரு மறக்க முடியா phase ஆக செய்திட என் மண்டையில் மிச்சம் மீதி இருக்கும் சொற்பமான கேசத்தை பிய்த்துக் கொண்டு இருக்கிறேன்! நமது காமிக்ஸ்களைப் பொறுத்த வரை 1985 -'90 வரையிலான காலத்தை "Golden period " என்று நம் வாசகர்கள் எப்போதுமே சொல்லுவது உண்டு...God willing - வரவிருக்கும் மாதங்கள்.....ஆண்டுகள் அதனை தூக்கி சாப்பிடப் போகிறது ! Just sit back and enjoy the ride folks ... !

பின்குறிப்பு :

புத்தகக் கண்காட்சி முடிவடைய இன்னும் 3 நாட்கள் உள்ள போதிலும் இந்தப் பகுதியை இப்போதே எழுதிடும் அவசியமென்ன என்று எண்ணிடலாம்...but மனதில் பட்டதை அப்போதே எழுத்தாக்கிப் பார்ப்பதும் ஒரு சுகமான திருப்தி தானே ! THANKS GUYS .....THANKS FOR EVERYTHING !!! பொங்கல் நல்வாழ்த்துக்கள் !!

பின்குறிப்பு -2 :

இந்தப் பதிவுக்குத் துளியும் சம்பந்தமில்லா ஒரு ஆசாமியின் சித்திரம் இங்கே ஏன் என்று நீங்கள் யோசிக்கலாம்...அது பற்றி அடுத்த பதிவில் !

மீண்டும் "கொலைகாரக் கலைஞன்"

2012-01-12T22:19:00.002+05:30

நண்பர்களே,

காமிக்ஸ் கிளாசிக்ஸ் புதிய வெளியீடாக - ஜானி நீரோ-வின் "கொலைகாரக் கலைஞன்" தயாராகி விட்டது...!

நாளை முதல் சென்னை புத்தகக் காட்சியிலும் (ஸ்டால் எண் : 372 ) ; நமது சிவகாசி அலுவலகத்திலும் இதழ் கிடைத்திடும் !

இந்த இதழ் முதன்முதலில் முத்து காமிக்ஸில் வெளிவந்திட்ட போது, உங்களில் பலர் பால் வடியும் பாலகர்களாய் தான் இருந்திருக்க வேண்டும் ! பின்னாளில் வந்திட்ட மறுபதிப்பு மூலம் இதனை படித்திருக்கலாம்...but ஒரிஜினல் சைசில் இந்த vintage கதைகளை எத்தனை முறை படித்தாலும் அலுக்கவே அலுக்காது என்பது என் எண்ணம்...

இந்த இதழ் 1972 -ல் வெளியான போது இதற்கான ஆங்கில ஒரிஜினல்களை 'ஆ'வென்று பராக்குப் பார்த்தது இன்னமும் எனக்கு நினைவு உள்ளது...அதுவும் குறிப்பாக - கார் பின்சீட்டில் படுத்துத் தூங்கும் ஸ்டெல்லா காரோடு கடலுக்குள் விழுவது ; கிளைமாக்ஸ் பகுதியில் கோமாளி வேஷம் போட்டு ஓடும் வில்லன் ; என்று சில sequences அழுத்தமாக மனதில் பதிந்தது இன்றைக்கும் நினைவில் உள்ளது.....!

கதையின் முதல் பக்கத்தில் , கதைக்கான முன்னோட்டத்தை ஒரு முறை படித்துப் பாருங்களேன்...என்ன ஒரு அற்புதமான நடை...!! Happy Reading !!

Come back tomorrow for the COMEBACK SPECIAL please !

2012-01-06T18:11:00.002+05:30

நண்பர்களே,

Timing சரியாக அமைந்திட்டதால் rhyming -ஆக இந்தத் தலைப்பை வைப்பதை தவிர்த்திட முடியவில்லை !! COMEBACK ஸ்பெஷல்-ன் முதல் 40 பிரதிகள் நாளை சென்னை புத்தகக் கன்ன்காட்சியில் விற்பனைக்குக் கிடைக்கும் ...Happy Reading ! 6th.January'12

முத்து காமிக்ஸ் - 40 Not out .. ..!

2012-01-01T23:36:00.000+05:30

நண்பர்களே,

நமது முத்து காமிக்ஸின் வயது 40 !

'70 களின் துவக்கத்தில், என் தந்தையின் inititativeல் -ஆரம்பித்த இந்த சித்திரக் கதைப் பயணம் இன்று வரை தொடர்வது உங்கள் அன்பினால் மட்டுமே...!

ஒரு முழு நீள அயல்நாட்டு சித்திரக் கதை என்ற concept இன்றைக்கு ஒரு பெரிய சமாசாரம் அல்ல தான்..but நாற்பது ஆண்டுகளுக்கு முன்னே அது ஒரு trailblazer என்று தான் சொல்ல வேண்டும்..... !

தரமான கதைகள்...உயிரோட்டமுள்ள சித்திரங்கள்..தெளிவான மொழிபெயர்ப்பு ...என்று அன்று போட்டிட்ட ஒரு கோட்டின் மேல் தான் இன்றளவும் நாம் சவாரி செய்கிறோம் என்று சொல்வேன் !

ஓட்டும் வண்டிகள் வேண்டுமானால் இப்போது நவீனமானதாகவோ ; வித்தியாசமானதாகவோ இருக்கலாம் ; but அடித்தளம் அன்று போடப்பட்டதே !

"இரும்புக்கை மாயாவி" என்ற தலைப்புடன் தொண்ணூறு காசு இதழாக வந்திட்ட அந்த முதல் வெளியீடு - பின்னர் நம் காமிக்ஸ் க்ளாசிக்சில் மறுபதிப்பு செய்யப்பட்ட ஒன்று என்பதால், இளம் வாசகர்கள் கூட அதனைப் படித்திருப்பார்கள்..!.இன்றைக்கும் அந்த முதல் இதழின் அட்டைப் படத்தை பார்க்கும் போது ஒரு வித மரியாதை.. ஒரு வித பொறாமை..ஒரு ஏக்கத்தை என்னுள் ஏற்படுத்தும் !

எத்தனையோ hi tech கதைத் தொடர்களை ; ஹீரோக்களை அறிமுகப் படுத்தும் வாய்ப்பு எனக்குக் கிட்டியுள்ள போதும் - மாயாவி போல் இன்றளவுக்கும், நம் எல்லார் மனதிலும் ஒரு நீங்கா impact எற்படுத்தியதொரு தொடரை நான் சந்தித்தது இல்லை என்பது தான் நிஜம்.

துவக்கம் முதலே நம் முத்து காமிக்ஸ் படித்திட்ட நமது longstanding வாசகர்கள், இந்தப் பதிவில் தங்களது நினைவுகளைப் பகிர்ந்து கொண்டால் நன்றாக இருக்குமென்று மனதுக்குப் பட்டது.. !

Our premier readers ..please do grace this page with your memories ....... ?!

சென்னை புத்தகக் கண்காட்சியில் நமது இதழ்கள் ஸ்டால் எண் 372 -ல் கிடைக்கும் ...

2011-12-30T20:26:00.000+05:30

நண்பர்களே,

ஸ்டால் எண் 372 -ல் (சவுத் இந்தியா பப்ளிகேஷன்ஸ்) நமது காமிக்ஸ்கள் கிடைக்கும். Comeback Special ஜனவரி 10 க்கு மேல் கிடைத்திடும்....

வாயில் எண் 2 க்கு நேராக உள்ள வரிசை இது...! Please do drop in everybody !

Comeback ஸ்பெஷல் இதழின் அட்டைப் பட டிசைன் இதோ...

2011-12-27T15:26:00.002+05:30

C.I.D.லாரன்ஸ் டேவிட் புதிய சாகசம்களும் காத்துள்ளன

2011-12-25T23:14:00.001+05:30

நண்பர்களே,

மாயாவியின் புதிய சாகசங்கள் மட்டும் அல்லாது, நம் அபிமான துப்பறியும் ஜோடியான லாரன்ஸ் & டேவிட் புத்தம் புதிய சாகசங்களும் 2012 இல் நீங்கள் ரசிக்கப் போகிறீர்கள் ! "காணாமல் போன கடல் " வரிசையில் இவை இருக்கும்...trailer Lion ComeBack ஸ்பெஷல் இதழில் !

SPIDER & ARCHIE on the cards too....

2011-12-25T12:01:00.000+05:30

Rafiq,

I'm planning to keep my big mouth (and maybe my pen too...) in check this time around and let the books do the talking ! Yes, there are going to be more interesting releases...a Super Hero Special featuring brand new tales of SPIDER ; ROBOT ARCHIE & MAAYAVI is prime on the list !

Not too sure if our readers still have it in them to adore these "kaathile poo" super heroes of our earlier Lion Comics days....but I have my hopes ! Fingers crossed...!

Editor on the Blogs....

2011-12-24T12:52:00.001+05:30

Hi friends,

This is Vijayan of Lion / Muthu Comics...just about finding my way in the world of blogs..

I thought this would be a far more personal way of reaching out to our readers ....And I do have some good news !

Lion Comics is soon back on track ...with a Rs.100 special issue titled "Lion Come-back Special". This will feature brand new episodes of LUCKY LUKE & CAPTAIN PRINCE (in multi-colour with rich art paper) ; our ever-green IRUMBUKKAI MAYAVI & Agent Phil Corrigan in dynamic black & white. All are completely new stories...!

The issue would be available for sale from 10th.January'2012 !

Visitors to this year's Chennai Book Fair can buy their copies there too ...along with our (available) back issues !

Please do pass the news around folks... Catch you soon !